Sevdail Hyseni: Ligji i mbetjeve

Sevdail Hyseni

Satirike

LIGJI I MBETJEVE…

Frymojnë ligjet

Në çdo cep të tokës,

Na u ngritën plehrat

E i ranë kokës.

Nisen drejt Kuvendit

Me nismën nga pas:

Të vijnë në Shqipëri

Mbetjet e dynjasë.

Pyesin nga publiku:

Kjo, mos është lodër,

Një bërllok i madh

Në një vend të vogël?

Bashkë me hedhurinat

Digjen si silazhi,

dhe helmet toksike,

Nga lart-tym hashashi.

Helmet rregullohen

Në stil të shqiptarit,

Kur peshohen lekët

Me koqe t’kandarit.

Nuk thanë kot të parët

Të shtrirë përskaj detit,

- A s’është pasuria

Gjysma e shëndetit?

Deti, droga, mbetjet,

Në tregun evropian,

Na i bëjnë shqiptarët

Mbretër në Ballkan!