Xhevahir Cirongu: Vjeshta është melodi ngjyrsh ku këndohet jeta

Refleksion

Vjeshta është melodi ngjyrsh ku këndohet jeta

(Flatra poetike të zgjedhura të poetit Vladimir Muça )

Nga Xhevahir Cirongu

Këto ditë tetori më erdhi bashkë me flatrat poetike të zgjedhura plot ngjyra vjeshte , libri poetik të titulluar ‘’Ringjallje mes vargjeve’’  të autorit durrësak Vladimir Muça. I hodha një vështrim kopertinës, e më pas ‘’zbraza’’ fletët e librit një e nga një ,aty gjeta pjalmin e vargut të gjithanshëm gjeografikisht në gjithë trojet shqiptare. Spiralja e fjalës poetike, si një gjerdan bashkë me vargjet e shkruara , ishin ngulur te trungu jetë të vendlindjes së autorit, dhe degët me fruta ëmbëlsie të mushtit krijues, të rrëmbejnë mendimet e i thua vetes ‘’Ringjallem mes vargjeve’’ . Kjo gjetje metaforike e titullit të librit më të ri të këtij autori, dalngadalë, të rizgjon ganxhet e shpirtit deri aty sa kërkon një rizgjim domethënës me emrin JETE !  Në këtë libër me poezi të zgjedhura , lexuesi i cili e do  poezinë, nëpërmjet  shfletimit  të një pasnjëshme, do gjejë veten brenda vargut poetik, si rrjedhojë e kësaj bëhet njësh me rrugëtimin e autorit. Kjo përmbledhje, e cila vjen plot flatra poezish në këtë botim të autorit Lavdimir Muçës, janë një buqet ngjyrash të marra nga dhjetë vëllimet e botuara në vite nga ky autor. Lexuesit  që admirojnë poezinë, në këtë përmbledhje  do gjejnë aromën e shpirtit të tyre, sepse autori ka gërshetuar në mënyrë simetrike vargjet e temat  të larmishme, si rrjedhojë plotëson atë ndjenjë të prekshme me të cilën kërkojnë  edhe lexuesti e poezisë. Në këtë libër poetik poezitë janë ndarë në gjashtë tematika të stilit krijues, si në formë ashtu edhe në përmbajtjen e tyre.

Mesazhet janë reflektuese e të bëjnë për vete përgjatë lexusshmërisë , por edhe të ngacmojnë ndjenjën e shpirtit. Poezitë e zgjedhura kanë ‘’Magjiken’’ e të  grishin thellë në mendime,ato kanë rrënjët e vargut të lidhura me tokën, gurin,detin,qiellin,pemët, e deri në puizat e barit që flladitë lehtë me dashurinë  të vendlindjes. Ne mundëm të sejellim një strof  nga poezia me titull ‘’Mbi flatra’’, sepse jeta ka shumë flatra që ecën në fluturim në rrugëtimin e kësaj jete….dhe diku lë gjurmët e saja të dashurisë e të dhimbjes, por më shumë lë fjalën e shkruar në lotin e dashurisë , te vargu poetik, JETE !

Durrës, 03 Tetor 2024