| E diele, 08.09.2024, 06:51 PM |
"Anijet" shqiptare në oqeanin e trazuar politik!
Qasje
analitike dhe politikës së jashtme të dy shteteve shqiptare
Shkruan:
Florim Zeqa
Edhe
pse politikbërja e një shteti sovran është rezultat i një pune ekipore,
sukseset varen nga timonieri i anijes politike (qeverisë)! E lehte është të
drejtohet anija në ujërat e qeta të një vendi të vogël siq është Kosova, por
nuk është aspak e lehtë të drejtohet anija në ujërat e trazuara ndërkombëtare.
Shqiptarët dykrenar me
krahë të thyer
Për
fatin e keq të shqiptarëve, timonierët e dy anijeve (qeverive) të dy shteteve
sovrane, edhe pse lundrojnë në të njëjtin oqean politik (evropian), ato po
shkojnë në drejtime të kundërta!
Zakonisht
për raste të tilla krahasusese merren trenat që shkojnë në binarë të kundërt,
për fatin e keq Kosova nuk ka as tren që i kaloni kujfijt e shtetit!
Treni
i fundit që i ka kaluar kufijt e Kosovës ishte ai i vitit 1999 i bartjes së
refugjatëve shqiptar për në Bllacë të Maqedonisë.
Mirëpo,
kjo nuk është e keqja më e madhe!
"Treni"
(qeveria) i Kosovës nuk ka as vagon, e ka vetëm një lokomotivë partiake që e
drejton kryeministri aktualë, nga njëra komunë në tjetrën dhe atë pa orar të
rregullt çarkullimi!
Shqiptarët
e ndarë në ballkan i ngjajnë shqiponjes dykrenare me krahë të thyer që
sorrollaten në oborrin e tyre politik, pa asnjë ndikim në politikën e jashtme!
Ndodhë
pikërisht kështu, për faktin se dy shtetet tona nuk kanë diplomaci efikase!
Igli
Hasani në Shqipëri dhe Donika Gërvalla-Schwarz në Kosovë, që të dy pa ndonjë
rezultat në politikën e jashtme, të ndarë dhe të ç'akorduar mes tyre!
Përderisa
në Shqipëri, shef i politikës së jashtme është Edi Rama, në Kosovë e kemi një politikë
të jashtme inekzistente!
Aktualisht
në Kosovë si shefe e politikës së jashtme po paraqitet presidentja Vjosa
Osmani, e cila, sadoqë po mundohet të paraqitet si mbrojtëse e marrëdhënjeve të
mira me ndërkombëtarët, megjithatë mbetet e ndikuar nga kryeministri, prej të
cilit i merr urdhërat se si ta mbajë balancin politik të shtetit me
ndërkombëtarët!
E
tillë çfarë është presidentja Osmani, e kufizuar në kompetenca shtetërore, nuk
mund të bëjë më shumë në politikën e jashtme, pasi ato i përkasin ministres së
Punëve të Jashtme dhe Diasporës, z. Gërvalla- Schwarz e cila më shumë merret me
punët e brendshme sesa me politikën e jashtme për çka është e emëruar nga Albin
Kurti!
Për
dallim nga Albin Kurti, i cili ka mbetur i izoluar dhe i fragmentizuar nga bashkësia
ndërkombëtare, Edi Rama me mençurinë e tijë po arrinë ta drejtojë anijen
shqiptare në koordinim të plotë me bashkësinë ndërkombëtare, me nisma personale
për integrimin e plotë të ballkanit perëndimor në BE.
Ngecja
dhe izolimi i Kosovës vijnë si pasojë e gabimeve trashanike të Albin Kurtit në
raport me ndërkombëtarët, i cili me despotizmin e tij ia dha alibinë e
mjaftueshme kryeministrit serb, Aleksandër Vuçiç që të shtrijë agresionin
politik kundër Kosovës!
Avancimi
i politikës serbe në raport me Kosovën konsiston në përçarjet e klasës politike
kosovare dhe asaj shqiptare në përgjithësi. Përderisa serbët arrijnë të bëhen
bashk rreth çështjes së Kosovës, Kosova dhe Shqipria si dy shtete të pavarura
në Ballkan nuk po arrijnë assesi të bëhen bashkë në përballje me Serbinë!
Prandaj
ne shqiptarët jemi këtu ku jemi, të ndarë dhe të përçarë, me dy shtete
shqiptare, me shqiptarë në pesë shtete ballkanike pa ndikim dhe pa forcë
kreativiteti në politikën e jashtme. E krejt kjo shkaku i mungesës së një
diplomacie efikase të dy shteteve shqiptare në Ballkan.