Visar Zhiti: Çështje dëshirash

ÇËSHTJE DËSHIRASH

Nga Visar Zhiti

Qielli këtu

është me re të bardha dëshirash.

Zogj apo kryqe

po fluturojnë?

                     Të njëjtë qenkan këtu.

Nëpër tjegullat e qytetit të vjetër

janë endur engjëj. E ndjeva.

                             I pashë në ëndërr.

Në mëngjes dyshemetë

ishin plot me sibila,

                           me histori dashurie

e gra të bukura nga e gjithë bota.

Kujdes kur të ecësh këtu,

se dëshirat paskan zbritur

                                 në tokë!

Visar Zhiti

Siena, 4 shtator, 2024