Femi Cakolli: Çka është feja e të parëve? Çka është peganizmi?

ÇKA ËSHTË FEJA E TË PARËVE?

ÇKA ËSHTË PAGANIZMI?

Nga Femi Cakolli, Pastor

Këto te dyja, feja e të parëve dhe paganizmi, nuk janë të njëjta por bukur shumë imamë përkeqësisht dhe ultësisht po synojnë t’i ndërlidhin e t’i bëjnë një. Pse? Me e minue narracionin e dorës së parë!

Pasi debati publik po rritet për çështjen e konvertimeve dhe të përligjjes së kthimit në fenë e të parëve e vlerësoj se debati nuk po bëhet nga teologët, përjashto plot imamë, por nga aktivistë e laikë të fesë. Posaçërisht në këtë debat po mungojnë për së tepërmi teologët ose klerikët e krishterë. Andaj u detyrova ta jap një ndihmesë për këtë temë!

Fjalët “feja e të parëve” ka nisur të përdoret sidomos që nga fillimi i viteve 90-ta dhe së fundi po përdoret shpesh prej tri grupesh me kuptime të ndryshme. Grupi i parë janë të krishterët, janë patriotët e shumtë dhe janë kritikët e islamit.

Grupi i dytë janë hoxhollarët dhe polemistët e shumë myslimanë.

Grupi i tretë janë një numër i disa gazetarëve dhe opionionistëve.

“Feja e të parëve” nga të krishterët shqiptarë kur zihet në gojë kudo nënkupton llojin e atij krishterimi te populli ynë para islamizimit, pra katolik. Kritikët e islamit me këtë frazë nënkuptojnë kujtesën jo të largët kur si popull ishim të krishterë dhe zakonisht për këtë edhe numërohen brezat nga 7-12 të atillë.

Imamët dhe kritikët e konvertimeve këtë frazë e nënkuptojnë kthim në paganizëm, dhe njësoj po logjikojnë edhe plot gazetarë ose nga padija ose duan t’u bëjnë qejfin islamistëve.

Grupi i dytë hapur e qëllimisht po e shtrembëron këtë fakt pasi askush nga të konvertuarit nuk e thonë e as nuk aludojnë në paganizëm por krishterim. Tek e fundit, po cilët janë ata që i dinë se si kanë qenë ritualet dhe besimet parakrishtere?

Çka është paganizmi?

Paganizmi nuk është fe. Vetë kjo fjalë është përdorur fillimisht nga të krishterët në shek. 5 duke iu referuar gjithë jo të krishterëve, pra duke përfshirë edhe myslimanët më vonë. Rrjedhimisht kujdes kur përdoret nocioni “paganizmi” se as logjikë e as faktum nuk ka veç dikush që do me përçudnue idenë dhe dëshirën.

Të krishterët e shek. 5 “paganët” i shihnin të papastër, “katundarë”, të pacivilizuar etj. Paganizmi pra erdhi si fjalë 500 vjet pas krishterimit.

Paganizmi historikisht është një periudhë dhe lloj civilizimi para krishterimit të romanizuar. Judenjtë e përdornin frazën “gjentalët”, për gjithë johebrenjtë si grup fetar e etnik. Edhe myslimanët kanë nocionin “xhahilia”, në kuptimin e jetës, besimeve dhe njerëzve arabë para islamit e Muhamedit në shek. 6 dhe 7.

Paganizmi si periudhë dhe si praktika besimi e feje të ndryshme josistematike nuk kategorizon asnjë lloj feje prandaj me këtë sociologët  i referohen lehtë si politeizmi, pra shumësisë së feve idhujtare e demonike. E politeizmi biblikisht është më i ri sesa besimi prej Adamit e deri te Noeu. Abrahami ishte politeist. Egjiptasit, asirianët, persianët, babilonasit, ilirët, helenët, romakët ishin politeistë. Mirëpo Abrahami u thirr nga Perëndia që të kthehet në judaizëm.

Pra në këtë temë kurrë askush nuk flet për kthim në politeizëm apo paganizëm por kthim te Jezus Krishti.

Feja e të parëve, ose feja e moçme, ose besa e moçme si ide e diskurs lidhej dje e lidhet sot e nesër vetëm me krishterimin. Krishterimi së bashku me etninë dhe gjuhën shqipe është trashëgimia më e çmuar iliro-arbërore-shqiptare që ka vazhdimësi të pandërprerë 2000 vjeçare në popullin tonë. E kjo prej çdo shqiptari e do zemra e mendja që duhet me u ruajt e zhvillue pa u idhnue kush por edhe pa ba dame as nga ana tjetër. Drejtësia e dashnia duhet me u mbjellë paqësisht e jo ndryshe!!!

https://www.facebook.com/femi.cakolli