Feti Tunuzliu: Fati, ç'është ky?

Feti Tunuzliu

FATI, Ç’ËSHTË KY ?

Teksa njeriu me vullnet zhveshur rri e sodit

një fuqi magjike - paralajmëtare e zhvillimeve

ngjiz befasitë – të kundërtat e pritjeve.

Ky mister që mbëlton ngjarje shtigjeve t’jetës,

dhe lypsarëve t’vet u dhuron rastësi të gjunjëzuara,

lind edhe legjenda t’pa parashikuara …

Njeriu që i bindet riskut – thonë: “Merr atë që i takon”

se ai vet rrënjët e fatit i mbjell

që në mëshirë të tij – peng t’mos ngel.

Ç’reflekton fati n’enigmë mbështjellur: arritjet a dështimet

arritjet e sukseseve, qëllimet …

apo dështimet pas përpjekjeve t’kota, ...

Rrota e fatit ngarend rrugës si ngadhnjimtare kryeneqe

dhe e shiluar sjell prore çaste befasie

në jetën mes lulesh a ferrash - shkundur krenarie.

Ndaj, vallë, fati është dëshirë e zjarrtë e gurëzuar

pjellë përfytyrimi, imagjinate a fantazie,

a veçse ëndërr e gdhendur n’thellësi gjumësie.