Milaim Zeka: Kush ishte “mekati” Ismail Kadarese?!

Kush ishte “mekati” Ismail Kadarese?!

Kadare ishte Piramida e Keopsit te Shqiperise

Nga Milaim Zeka

Ata qe duan me mesu se qysh duhet me dashte, me respektu dhe vleresu Kosoven, duhet me lexu, me degju, e me studiu Ismail Kadaren.

Ata qe duan me mesu se qysh duhet me dashte, me respektu dhe vleresu Ismail Kadaren, duhet me lexu, me degju, dhe me studiu eliten e Kosoves, po mbi te gjitha, eliten intelektuale dhe politike te rruzullit tokesor.

Ismail Kadare ka qene ai thingili i kombit shqiptar, i cili ne prushin dhe hirin e tokave shqiptare, eshte ruajtur, ka shpetuar, eshte ringjallur, per t’i treguar botes mbare, kush kemi qen e kush jemi. Kadare ka komunikuar me boten ne 48 gjuhe te ndryshme.

Disa te mjere po flasin per “mekatet” e Ismailit. Po te flisja me gjuhen e Fishtes, apo te Faik Konices, i vetmi mekat i Ismail Kadares dhe Bekim Fehmiut ishte se ata linden shqiptar. Asnje mekat tjeter.

Po Zoti na ka dashur dhe na don, kur pjeses te ndritur te popullit shqiptar i ka dhuruar njereze sikurse Ismail Kadaren.

Kam qene shume njeri me fat qe e kam njohur qe ne vitin 1992. Nga intervistat dhe bisedat private me te, kam mesuar me shume se sa nga gjithe librat e lexuara.

Lamtumire Ismail. Ti ishe dhe do te jesh Piramida e Keopsit ne Trojet Shqiptare. Ke ndertuar nje piramide ne kulturen dhe letersin boterore, qe fati e deshi te ndertohej ne themelet e nje vendi te vogel me emrin Shqiperi!

Foto e bere ne Paris, diten qe po festonim nenshkrimin e marrveshjes te Rambujese, dhe para fillimin e bombardimeve ndaj Serbise.

“Mos vdis pa e lexuar Ismail Kadaren”, keshtu shkruan nje kolege imja suedeze. Shume titull i bukur, domethenes, sa nje liber.