Mihal Gjergji: Rrapi i Kaçandonit

Mihal Gjergji

RRAPI I KAÇANDONIT

Dy rrepe rrinë karshi

Në qendër të Janinës

Oh, ç’dhimbje kanë në gji

Kreshnikët e Jutbinës

Krrokamat ndjellin mort

Fermanet shpall dovleti

Një dorë troket në portë

Vezirin pret mileti

Se nata zgjat pafund

E zbathur ecën frika

Litari degët shkund

Dhe sytë i shqyen dita

Mbi gjolin e liqenit

S'përkundet asnjë varkë

Rënkimet e haremit

U mbytën nëpër natë

Me vdekjen sy më sy

Ca trima pamjesertë

Një zjarr u djeg në gji

Nga lart kullojnë retë

Më kot litari zbret

Dhe tundet sipër fronit

Tirana s’ka një rrap

Si rrap i Kaçandonit!

Janinë, Qershor 2017