Atdhe Geci: Te arat e kuqe

Atdhe Geci

TE ARAT E KUQE

Në poezi ka më shumë jetë se jeta jonë

më shumë jetë se të mbjellat e një stine

më shumë jetë se një ditë e bukur, dhe

më shumë jetë se një e puthur dashurie

Magjia fjalës në poezi  është  e  veçantë

at´se kam lënë anash dhe as të harruar

disa poezi të mia më parë kanë qenë

këngë të kënduara, e tregime shqiptare

E disa tjera duan t´i këndoj më ngadalë

kur në heshtje i afrohen varreve të të

rënëve, për një kurorë lulesh për lirinë

e kthehen me ngadalë te himni atdheut

Në atdhe  pjesë  të  së  kaluara fshihen

nën dhé, në këndim këngësh  e  librash

kujtesa e popullit  kurrë  nuk  vjetrohet

ide e përjetësisë rrjedh  nga ide e jetës

Tre  gurë graniti  janë tek Arat e Kuqe

tre gurë graniti e kanë historinë e tyre

gurit i ka hije të ketë fytyrën prej guri

dhe lisit i ka hije  të ketë fytyrën e lisit...

Atdhe Geci – Dortmund, 10. 02. 2024