Viron Kona: Djalë, paske shkalluar!

Viron KONA

Djalë, paske shkalluar!

Vargje erotike

Sytë t ‘shkëlqejnë,

Çfarë ke nuk e di,

Kudo q ‘shkoj unë,

Pas meje dhe ti!

Mbaje mend mirë,

Një fjalë po t ‘them,

Më kape gërshetat,

I ziu ti ç`të gjen!

Më shikon qafën,

E kam si zambak,

Bëhem luaneshë,

Po ma preke pak!

M`i ke qepur sytë,

Te gjoksi i stolisur,

Të dija të urtë,

Ti qenke kokëkrisur!

Me këtë sjellje sot,

Po bën si i marrë,

Kurse unë e vetme,

Tani kam një hall!

Do vete për dru,

Kam frikë e mjera,

Pylli është mbushur,

Me kafshë të egra!

Te shtegu ka ujqër,

Si t`ia bëj s`e di,

Ata mund t`i zbojë,

Veç një djalë si ti!