E hene, 04.03.2024, 12:51 AM (GMT)

Përjetësi » Lushaj

Zeqir Lushaj: Jetë të gjatë Flamur e Shqipe

E hene, 27.11.2023, 08:41 PM


JETË TË GJATË FLAMUR E SHQIPE

Nga Zeqir Lushaj

Në ball të Arbrit ndritë përjetë,

Data e kuqe njëzetetetë (28),

E Nëntorit të historisë,

Dita e madhe, e Pamvarësisë,

Shumë nderim, gjithmonë kësaj dite,

Jetë të gjatë Flamur e Shqipe.

Ooo…Flamuri i Atdheut,

Prush i zemrës së Skënderbeut.

Kur t’valvite Ty flladi i malit,

Shohim dorën e Ismail Qemalit,

Vetimë penda e Naimit,

Flakë naganti i Boletinit.

Gjithë shqiptartë – zemërliri

Nëpër breza t’majtën n’gji,

Zemrat gjakun ta kanë dhanë,

Lavdi Shqipes, gjithë tuj thanë,

I lidh brezat, besa e burrit,

Na lidh puthja n’palë t’Flamurit.

Ooo… Flamur, o nderi i prakut,

Çmimi yt, asht çmimi i gjakut,

Mbi lahutë e n’djep të fëmisë,

Je simbol i shqiptarisë,

Veç një gjak na rrjedh ndër vena,

Gjaku i shqipes me dy krena.

Tiranë, 1985.

________



(Vota: 7 . Mesatare: 3.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora