Në Panairin e Librit: Ballkan si peng i luftërave në “Lufta e Pengjeve” të Gani Mehmetaj

Në Panairin e Librit në Tiranë 15-19 nëntor 2023

Ballkan si peng i luftërave në “Lufta e Pengjeve” të Gani Mehmetaj

Lufta e Pengjeve, romani më i fundit i shkrimtarit dhe kineastit Gani Mehmetaj, është një përpjekje për të rrëfyer, gërmuar e ngacmuar kore plagësh që shkojnë larg në kohë…më larg se përpjekjet e Kosovës për mëvetësi, më larg se gjenocidet dhe spastrimet etnike ndaj shqiptarëve, e madje edhe më larg se projekti i shtetit federativ të Jugosllavisë.

Ngjarjet në roman lëvizin ndërsa federata jugosllave nis të shkërmoqet e luftërat në Ballkan të rindizen. Ata që rrëfejnë janë tetë ushtarë, prej tetë kombësive të ndryshme, të veshur me një uniformë, atë jugosllave. Siç shkruan autori, ata janë para mëdyshjeve halmetiane: të luftojnë për një shtet që po merr rrokullimën, apo të dorëzohen? Ata nuk mendojnë njëjtë, nuk e ndiejnë njësoj luftën, por kanë fat të përbashkët… (S. Balliu)