Mihal Gjergji: Vdekja e Xheladinit

Mihal Gjergji

VDEKJA E XHELADINIT

Një kal’ çapitet nëpër lumë

E tingujt tok me natën zbresin

Ky shteg’ i verbër dallgë e shkumë

Bashkon dy brigje, ndarë me shekuj

Besomëni, plaket dhe floriri

Si kjo çepe e sertë kaçaku

Nuk di se ç’brengë e djeg te gjiri

Ç’mandat të zezë na sjell së largu?

Ju sosën udhët e mërgatës

Shtëllungë e jetës fillin mblodhi

Dhe brof mbi dallgë në gji të natës

As hëna s’pa me trimin ç’ndodhi

Si murgu te ikona ndalem

Të shoh një gjurmë a shenjë të trimit

Orfeu, thonë, këndon me vargje

Të fundit fjalë të Xheladinit!

Tiranë, Tetor 2023.