Sevdail Hyseni: Vizita

Sevdail Hyseni

Satirike

Vizita

Shkon Dielli te Hëna

Për vizitë miqësore,

Shkëlqen një mikpritje

E lartë sulltanore!

Në fund të takimit

Hëna zemërarta,

E gostit mikun

Me lloj-lloj dhurata!

Tani kur vizita

Kthehet si në garë,

Dielli për çudi

S’tregohet bujar!

Nuk i jep bakshish

Mikeshës hyjnore,

Hëna desh plasi

Nga marazi prore!

Ti o Diell i dashur

Mos të qofsha falë!

Kjo mirësjellja e jote

Sikur s’na bënë mall!

Nuk di çfarë dhurate

Të jap moj mikeshë,

Kur ti s’ke një formë

Çfarë duhet ta kesh!

Herë je gjysmë e plotë

E herë sikur top,

Nganjëherë si drapër

Por edhe si shkop!

Kështu edhe Lugina

Është për taksirat...

Nga format e shumta

Ngelet duarthatë!

(Karikatura marrë nga interneti)