Ndue Ukaj: Shumë i trishtë lajmi se është sulmuar me thikë shkrimtari Salman Rushdie

Ndue Ukaj:

Shumë i trishtë lajmi se është sulmuar me thikë shkrimtari Salman Rushdie, i cili, një jetë të tanë e ka jetuar me vdekjen, i kërcënuar dhe i frikësuar.

E ky njeri s'ka ba asgja të keqe, pos që ka shkruar bukur dhe u ka dhanë mundësi lexuesve të hapin horizonte të reja për t'i gjykuar shumë fenomene shoqërore. Dhe kjo dëshmi i ka tmeruar ata që jetojnë në kurriz të milona njerëzve që bëhen rresht.

Fati i këtij shkrimtari - tash e disa dekada- tregon sa shtrenjtë paguhet fatura me të cilën mbrohet liria njerëzore, kundër të ciës janë të mbrehta kthetrat e egra ekstremiste.

Arti i këtij shkrimtari i ka tronditë mendjet e këqija që duan njerëz  të nënshtruar që bëhen rresht dhe ecin në një drejtim.

E, letërsia e vërtetë e ka si mision sublim e të përhershëm: të luftojë çdo formë të shtypjes.

Sulmi i sotëm kundër këtij shkrimtar tregon sa shumë kemi nevojë ta forcojmë kampin e lirisë.