| E diele, 26.06.2022, 12:52 PM |
Blerim Rrecaj
NË PLAZHIN E SHËNGJINIT
Në plazhin e Shëngjinit
Rrinë në harmoni
Vijat e drejta horizontale
E tokës, e detit, e qiellit
Në plazhin e Shëngjinit
Ke fat dhe peshkon një libër dashamirës
Nga çanta e librashitësit
Që kalon pranë pushuesve nën çadra dielli
Në plazhin e Shëngjinit
Fëmijët i bashkojnë lojërat e ëmbla si frutat e pemëve
Dhe dielli hedh dritë
Duke na dhuruar një tashmëri të artë
LARGIMI I POETIT
Në fillim të kësaj vere
Papritur u largua poeti
Si mysafir i kësaj bote
Shkoi për t’u kthyer
Për të mbetur edhe këtu
Sot dielli lotoi
E një pëllumb që ecte
U tremb dhe fluturoi
Nga një teshtimë në rrugë