| E merkure, 15.06.2022, 07:54 PM |
Ndue Ukaj:
Kosova
është duke lënguar, sepse lëvizja e pallavrave ideologjike, kurrë s’e ka kaluar
fazën e urrejtës politike, prandaj s’ka sesi ta kuptojë vlerën e mirësisë e
dashurisë politike.
Dhe
kjo është arsyeja pse reagimet e tyre karshi krizës ekonomike janë kaq
gjakftohta sa e shtangin secilin njeri normal.
Kjo
është arsyja pse shpërfillin kategoritë e dala nga lufta, etj.
Prandaj,
pengesat që u bëjnë aktiviteteve kulturore si Sunny Hill shërbejnë si mëlmesa
ideologjike për t’i ekzaltuar turmat e tifozërisë që duan ngjarje të mëdha për
t’i skuqë duart tek duartrokasin udhëheqësin e madh.
Historia
tregon me kokëfortësi se, punët dhe veprat e mëdha e dobiprurëse, janë vepra të
pastra të dashurisë, sinqeritetit, solidaritetit dhe jo të urrejtjes.
E
institucionet tona janë larg nga ky mësim. Përkundrazi, ato janë duke e përça e
fragmentuar shoqërinë tonë të brishtë e me telashe të mëdha.
Dhe
ma e keqja: kanë krijuar probleme të mëdha me aleatë perëndimore, sepse s’janë
të vërtetë dhe pakkush u beson; ecin të trullosur e pa kurrfarë busulle
politike.
Dhe
kjo lidhet me një shpjegim të thjeshtë: ata s’kanë asnjë ideal politik, pos të
justifikojnë e shajnë të kaluarën.
E
kam thënë njëherë: një qeveri e mirë kurrë s’e mallkon errësirën, por e ndez
një dritëz të vogël. Qeveria jonë jo që s’ka ndezë dritëza të vogla, por po
tenton t’i shuajë edhe ato pak që rrinë të frikësuara në errësirë.
E
mira e përbashkët, është themeli i shoqërive të lira dhe demokratike dhe në një
shoqëri të organizuar, e mira ose është e përbashkët ose nuk ekziston fare.
Po
të shish e analizosh gjuhën e pjerdhur
politike, justifikimet e përditshme foshnjore të udhëheqësve të sotëm të
vetëquajtur të rinj - në fakt s’janë aspak të tillë - sheh e kupton se ato janë
pjellë e frikshme e shterpësisë politike e intelektuale, që vendin tonë s’e
çonjnë askund.
Institucionet
tona, në vend se t’i hapin urgjentisht dyert e dritaret, dhe të ajrosen, bëjnë
të kundërtën, mbyllën, kukurisin dhe kukurisjet duan t’i shesin si politikë,
kurse ushtrimet retorike bajate, si manifestime intelektuale. Në të vërtetë,
këto manifestime janë dëshmi e trishtë e mjedisit ku ata ushqehen politikisht e
kulturalisht.