Leonora Laçi: Për çfarë na duhet Shqipëria?!

Për çfarë na duhet Shqipëria?!

Nga Leonora Laçi

Çfarë na duhen gurët, deti e mali kur ska jetë njerëzish t'i mbush ato?!

Zot kujt ia fale këto bukuri?! Atij që sy artisti s'ka, atij që nuk e mbron atë çka është e bukur, çka është me vlerë. Atij që për hir të pasurimit individual shkatërron dhe trashegiminë kulturore.

Çfarë na duhet personifikimi "perla e Ballkanit" kur s'ka vogelushë që hedhin hapat e parë në to ?!

Pse na duhet historia kur jemi kaq harraq ?!

Pse na duhet lashtësia kur e betonizojmë me vetëdije ?!

Pse na duhet Shqipëria kur duam të ikim një orë e më parë?!

Çfarë na duhet shkollimi kur rrugëve të botës banorë të dorës së dytë do të jemi ?!

Çfarë na duhet demokracia, kur shitemi e blihemi nga politika ?!

Çfarë na duhet liria, kur sapo na jepet abuzojmë.

Çfarë na duhet krenaria fallco, kur shqiparët i njeh bota mësë shumti për mafian ?!

Çfarë na duhet vitaliteti i rinisë kur punë me pak lek nuk bëjnë ?!

Çfarë na duhet atdheu kur këto nuk i duam ?!

Çfarë na duhet e ardhmja në një vend pa të ardhme ?!

Kësaj i thonë vetëvrasje.

Çfarë na duhen filozofët kur injorantet të mbyllin gojën ?!

Çfarë na duhet intelektuali kur mendim nuk i merr kush?!

...

E pse me duhet vendi im kur dhe aty fillon të ndjehesh i huaj ?!

Kur dyert të perplasen vazhdimisht por t'i s'ndalesh së besuari. Kur në sy të rrahin shpatullat e pas krahve të shajnë.

Kur premtime bëjnë e kurrë si mbajnë dhe vazhdojnë e këmbëngulin që ti s'këmbëngule sa duhet. Ajo për mua nuk ishte këmbëngulje por servilosje.

Kur kualifikimi yt është mbi pozicionin që ti aplikon.

Kur qyteti yt bëhet i pasigurt ndonëse mbahet si djep i kulturës e tashme ngjanë si djep i vrasjeve pa autor.

Kur ai që dje të urrente e tani ta ka nevojen për interesa te veta.

Kur fjala të ngec në fyt pse do të ruash vendin e punës.

Kur jeta të behet monotone edhe pse i ke të gjitha.

Kur gjithçka rreth teje s'ka më kuptim, kënaqësi më s'merr.

Kur politikës i humb shija dhe opozita nuk ekziston.

Kur vlerësimi i njeriut është nën zero...

E çka më duhet Shqipëria ?!