Kalosh Çeliku: Shko ministër në katundin tim

SHKO MINISTËR NË KATUNDIN TIM

(Elegji me çifteli)

NGA KALOSH ?ELIKU

(EH, KALOSH!)

Miku im Kalosh ?eliku

Tharë e mbledhur si pal’ fiku

Bëri “bam” dhe këtë herë

Shiti pyllin, bleu verë.

La mjekër si Ali Pasha

Për të “holla”, për të “trasha”

S’mund të rrijë i ftohtë si bora

S’ka lezet bota pa “horra”…

Gaqo BUSHAKA

(TRUSAKATËT FRYMËN

NA E KANË ZËNË)

(Në stilin e ?ajupit)

Popull trim me fletë

Votën e ke dhënë vetë!

Të kanë vjedhur, të kanë humbur,

Të kanë tundur edhe shkundur.

Bëre e ç’nuk ke bërë:

Bëre një histori të tërë.

Linde burra edhe gra

“Patriotë “ me kokën n’tra.

Bëre edhe shumë të mira,

Polle edhe egërsira:

Polle ujkun dhe arinë

E polle edhe Kurvë Partinë.

Dy shqiptarë - parti tri

“ Demokratë “ e trusakatë

Shumë nga ata të pistë.

Kur do të shporret kjo farë

Shqipëria do vejë mbarë!

Kur të hedhësh votën sot,

Mblidhe mendjen bëje top,

T’i shkulim me degë e rrënjë,

Se frymën na e kanë zënë…

(BARIU ME KËRRABË QEVERISË

VITIN E RI IA URON)

(Në stilin e Mark Krasniqit)

Bariu me kërrabë, Qeverisë

këtë Vit të Ri urime

me thasë i dërgon:

së pari, o burra të keni

shëndet e jetë të gjatë!

Pasuri e miq ideali

dhe shqiptarë argatë!

Euro, dihet me gomarë

të m’i dërgoni në mal.

Kopenë të mos ma vrisni

me “ branitela “, gjeneral!

Barinjt të mos m’i trembëni

edhe miqtë e mi qentë,

me granata, predha

e ruso - helikopterë

mos mi vrisni “dhentë”!

Qentë me dy këmbë. Heu,

mos mi lëshoni ndër berra!

Pranvera kur vjen, shkaku:

mi trembëni edhe ata “shqerra“!

Edhe Gruevski boksier

kurrë mos më raftë ndër stane!

Barinjtë të mi trembë, qentë

Me polici e hapsane.

Ali Ahmeti ty, kurrë me UÇK -në

mos të daltë kaçak - armik!

As Arbeni dhe Menduh Thaçi

që i keni partner strategjik.

Këtë Vit të Ri urime! Urime

Me thasë edhe ty, o Babë!

Të hyni në Bashkimin Evropian

U dërgon nga stanet:

BARIU ME KËRRABË…

(SHKO MINISTËR

NË KATUNDIN TIM!...)

(Në stilin e Filip Shirokës)

:

Udhembarë, erdhën zgjedhjet e reja,

Shko ministër tue fluturue,

Prej Shkupit n’dhena tjera

Fusha e male tue kërkue;

N’Kërçovë shko pra fluturim,

Shko në Cërvicë, katundin t‘im!

Shndet prej mejet të m’i falesh

Saj’ shpis’ vjetër ku jam le,

Me ato vende rreth t’përfalesh

Ku kam shkue kohën e re;

Atje shko, pra fluturim

Fal me shndet katundin t’im!

Shko n’at Çukën ku jam rrëzue

Me shokë t’mi shokt e fminisë,

Shko n’ato dardha ku kanë mrizue

Delet rrunza të beçarisë,

Atje shko, pra fluturim;

Fal me shndet katundin t’im!

Me ato male, me ato kodra,

M’difto pra, kur ke shetitun

Me ato prronje rreth t’përfalesh;

N’ato fusha qi m’ka Kërçova,

Të lulzueme aty t’ndalesh.

Me m’shkue n’Cërvicë fluturim,

Me m’ju falë katundit t’im?!...

Tue i ra fyellit me ambëlcim;

Fal me shndet katundin t’im!

T’mujshe edh’  un me fluturue,

Dojsh’ edhe un me u nisë me ty,

Dojshe n’ Cërvicë me kalue,

M’e pa prap at vend me sy!...

Por… ti shko atje fluturim;

Dhe, mjele edhe ogiçin t’im!...

Dhe kur t’mrrish në Fushë t’Cërvicës

Ministër ulu me pushue;

kam nji vorr n’at vend  t’vajit

T’xha Derallës qi m’ka mjerue.

Qaj me za t’përmallshëm shqim

Nji kang t’anden gjith vajtim!...

(MINISTËR EJA!...)

Mirë se vjen, me krahë të letë,

Ministër, tui fluturue!

Mirë se vjen! M’ket anë të xetë

T’dheut Shkupit me dimnue:

Eja, pra, ktu fluturim

M’gzo me atë za gjith ambëlcim!

Kur je nisë t’kam porositun

Atje larg t’shkojsh kah Malësia

M’difto pra, kur ke shetitun

A t’kan ra n’mend fjalt e mija,

Me m’shkue n’Cërvicë fluturim

Me m’ju falë katundit t’im?!...

Atje malet n’i paç pa

Janë prej boret nalt zbardhue

N’ato fushat në paç ra,

Janë me lule lulëzue.

Atje n’paç vojtë fluturim

Aty asht katundi i im!

Barit t’njomë gjith atje veshen

Çuka e kodra, e atje ndinë

Tue këndue blegtoreshen

Qi kullotë rreth bagtinë:

Atje n’paç vojt fluturim,

Aty asht katundi i im!

N’Kërçovën t’ime të Shqypnisë

Burrat lejnë qi s’dijnë ç’asht friga,

Cucat e bukura t’urtësisë

Atje rroken fytas me shtriga:

Atje n’paç vojt fluturim

Aty asht katundi i im!

A u ke thanë se un t’kam çue

Nën ato male, nën at Zabel.

A u ke thanë se kam lotue

Kur t’kam nisë dhentë me i mjel?!

A e ke thanë, t’përmallshme shqim,

Kangën t’ande gjith vajtim?!...

Pra ministër, kah ke shetitun

Katundin t’im a e ke pa?!...

N’ato vende ku ke rritun.

N’mend për mue a të ka ra,

Me m’shkue n’Cërvicë fluturim

Me i mjel dhentë e katundit t’im?!...

(DATE KOÇI:

MINISTRI U KTHYE)

( Në stilin e Luigj Gurakuqit )

Date Kalosh Çelikut:

Ti ministrin e ke porositun

Vendin t’and me shkue me t’pa

Nëpër Kërçovë me shetitun,

Mbi vorr t’xha Derallës me qa ,

N’mrize t’Cërvicës ‘i herë m’u ndalë

Me delet e tua m’u përfalë

Erdh njimend, e nëpër Kërçovë

Shum kërkoi tue fluturue.

Rrugës, n’livadhe, n’mal e n’Berikovë

Me kangë t’vet na ka gazmue;

N’fush’ të Cërvicës asht ndalue

E mbi vorrin e xha Derallës ka vajtue.

Në Cërvicë ktej porsa mrrini

Deleve t’uej i u fal me shndet,

Nëpër vathë, nëpër dele hini,

Me t’a hjekë at kasavet.

E n’shpi t’vjetër ku ke le

ka goditë vathën e re.

Por kur kthej, me t’thanë a diti

Barinjt, katundin, pun’t si i la?

Para sysh Kërçovën a t’qiti?

A e harroi ndoj send belda?

A t’kallxoi gjithshka kish pamun?

Si mes deleve kishte qamun.

Mirë po shoh se ke shum mall,

Për mue u gjetë nji herë n’Kërçovë;

Ik pra e eja për të gjallë

Me miq t’u m’u knaq, m’u ngi!

Eja vetë Kërçovën m’e pa,

Eja vetë n’Cërvicë me qa!...

(Nga libri me satira: Kur thërret “vojvoda”

e pjellë Kurvë Partia, Shkup 2008).