Kadri Mani: Pleqnarja Fatime Gjata

Kadri Mani

PLEQNARJA FATIME GJATA

Anton Çetta  po rrah telin

Në Besianë po e çon haberin

Fatime motër a po më dëgjon?

Antoni jam në telefon!

Eja shpejt në Bellopojë

Se më kanë vënë keq në lojë:

-“Kush je ti që kërkuake paqe?

Që të t’i falim ne katër gjaqe!?”

-Anton Çetta jam ore dai,

Kërkoj paqe shtëpi më shtëpi

Se e kemi një armik të zi

Ajo është shtriga Serbi

Që popullin tonë po do ta zhbi”.

Vrapon Fatimja, Shota e Llapit

Tym e mjegull po shkon sokakut

Hyn në odë dhe ulet këmbëkryq

Dhe ia fillon t’ju bëjë një gjyq:

“Kush është këtu bre zot shtëpie?

Mospërfillja e Bacë Antonit,

Shkon në interes të dushmanit!

Kush po ju shti mos me i falë gjaqet?

Kanë për qëllim t’ua fikun konaqet!”

Fatimja me psikologjinë e suksesit,

Jua shleu vrik edhe grimcat e vesvesit!

U ngrit plaka e sëmur nga shtrati:

“Jam e sëmurë më ka lëshuar takati,

Por po e hetoj nga vjen taksirati,

Fëmijët jetimë neve na kanë mbet,

Por të ngujuar ngelim krejt shkret,

Bija ime Fatime Gjata,

Gjuha jote më e mprehtë se shpata!

Ma kthyen mendjen në tjetrën anë

Nipa e mbesa pa shkollë mos me i lanë!

Fatime Gjata-Shote Galica-Marije Shllaku:

Na sollën në jetë, hallall gjaqet-

 s’u fik oxhaku!

Është tejet e habitshme se si as Selatin Novosella dhe askush tjetër nuk i përmendin vashat tona heroina!?! Kështu po ndodhte me Fatime Gatën, me Vahide Hoxhën- Braha... e ato me shoqet e veta ishin në çdo aksion dhe përpara tytave të policisë e të ushtrisë armike ishin të gatshme ta jepnin jetën si me le!?- vallë, me çfarë tendence? Në mos i deshnin të vdekura!? Po nuk vdesin të gjithë ata që shkojnë në luftë, jo!?