| E shtune, 10.04.2021, 04:31 PM |
DR. VJOSË OSMANI PËRUROHET PRESIDENTE E REPUBLIKËS TË KOSOVËS
NGA
IDRIZ ZEQIRAJ
Dr. Vjosë Osmani nxënëse e Shkollës amerikane, Prof. Dr.
Universitare; besnike e idealeve rugoviane, rebele, deri në denoncim të
-aklamacionit "zgjedhor" - si burri i nënës (thjeshtri) -, duke
ricikluar kryetarin e LDK-së dhe kryetarët e subjekteve tjera politike, me
klanorët e tyre, duke ngulfatur partitë dhe demokracinë, në Kosovë.
Dr. Vjosë Osmani denoncoi, botërisht, lidershipin e LDK-së dhe
strukturat saj, se nuk kanë hyrë në filtrin e votës së fshehtë, përtej një
dekade me radhë. Për rrjedhojë, janë, tërësisht, të paligjshme. Kjo vlente edhe
për krerët dhe lidershipin e subjekteve tjera politike, të cilët sundonin,
dhunshëm, partitë e tyre dhe Kosovën. Dhe, që këtej nismoi shtërngata Vjosë
Osmani dhe Donikë Gërvalla, si pranverë e demokracisë së mirëfilltë.
Ka një huti rreth rebelimit të Vjosë Osmanit
Mediokrit e akuzojnë Vjosën si ambicioze për karrierë! Ndërkohë,
pa ambicje pozitive, nuk ka karrierë.
Që nga viti 2010, Vjosë Osmani ka kundërshtuar:
1) Bllokadën ke Ura e Ibrit;
2) Demarkacionin;
3) Associacionin;
4) Zgjedhjen banditeske të Hashimit president dhe të Isës
kryeministër;
5) Koalicionin LDK-PDK;
6) Bisedimet pa transparencë në Bruksel e gjetkë;
7) Bisedimet konspirative Thaçi-Vuçiq, për ndarjen e Kosovës;
8) Prishjen e koalicionit LDK-LVV;
9) Rrëzimin e qeverisë-Kurti;
10) Krijimin e koalicionit LDK-PAN, me qeverinë-Hoti, të kompozuar
nga kumbar Hashimi!
Deri më 14 mars 2021:
LDK nuk udhëhiqej nga LDK-ja;
LDK nuk udhëhiqej nga strukturat e partisë;
LDK nuk udhëhiqej as nga Kryesia e LDK-së;
LDK-ja udhëhiqej nga kryetari me 4-5 klanorët e tij!
Në të gjitha kombinaturat, me votim të fshehtë, Vjosë Osmani do të
ishte kryetare e LDK-së.
Kjo tmerroi klanin Mustafa, sepse nuk donin ta dorëzonin LDK-në,
nuk donin ndryshimin. Përkundrazi, dhunshëm, donin vazhdimin e
udhëheqjes, përkundër vullnetit të anëtarësisë, shqiptarëve botërorë.
Vendimi konspirativ e kriminal i klanit Mustafa:
Përjashtimin e Vjosë Osmanit nga Nënkryetare të LDK-së dhe nga të
gjitha strukturat vendimmarrëse të partisë, përfshi edhe nga anëtare e
Këshillit të Përgjithshëm të LDK-së, edhe pse e kamufluan, duke e lënë në -
Web-faqen e LDK-së, listën e Këshillit të Përgjithshëm të Kuvendit të
9-të "Zgjedhor!"
Pas bisedës me Vjosën, me kërkesën e saj, i jam lutur shumë t`i
kthehet LDK-së. "Bacë, nuk më duan më në LDK -e",- më tha, fort
bindëse dhe po aq e dilemosur. "Provo dhe do të bindësh, bacë",-
shtoi Vjosa.
Dhe, vërtet, provova, madje, në bisedë me disa krerë potencialë të
Kryesisë: "Çfarë ofroni për Vjosën?" Përgjigja ishte e çiltër:
"Asgjë, sepse në LDK-e vendosë Lidershipi i ngushtë -klan dhe jo
strukturat e partisë, jo ne!
Dhe, u binda se Vjosa kishte të drejtë.
Dr. Vjosë Osmani ka mbrojtur dhe zbatuar të gjitha vendimet e
LDK-së, që janë marrë nga strukturat e partisë. Por, ka refuzuar dhe
kundërshtuar, me forcë e dinjitet, të gjitha vendimet konspirative, që janë
marrë nga tandemi Thaçi-Mustafa, të aprovuar nga rrethi vicioz, klani i
kryetarit.
Prandaj, është akuzë sa e turpshme, aq edhe cinike, kur tellallët
e lidershipit të LDK-së, trumbëtojnë se "Vjosë Osmani ka kundërshtuar
vendimet e partisë, andaj edhe është përjashtuar nga LDK-ja!"
Vjosë Osmanin e kam njohur, nga afër, më 25 maj 2015, kur lëshoi
Kuvendin, meqë iu mohua konkurrenca e ndershme zgjedhore, për kryetare të
LDK-së! Pastaj jemi parë në të gjitha rastet fushatore, zgjedhore e kuvendore.
Ndërsa me Donikë Gërvallën kemi punuar 27 vjetë radhazi. Donika dhe Vjosa janë
provokuar dhe luftuar, në mënyrën më të egër të mundshme, nga klani, bërthama e
të cilit realizoi dy ndarje të LDK-së, për arsye, thjeshtë, karrieriste.
Donikë Gërvalla dhe Vjosë Osmani, janë vlerë, e pazëvendësueshme,
të LDK-së, Kosovës si dhe vlerë kombëtare. Dhe, ia vlen të përsedytët shprehja
popullore: "Mirë se i lindi (Zoti), por, si i bashkoi", - për të
mirën gjithëshqiptare.