Zemra Shqiptare

  https://www.zemrashqiptare.net/


Sevdail Hyseni: Pushimet dimërore

| E shtune, 16.01.2021, 11:00 AM |


Satirike

Pushimet dimërore

Nga gjitha pushimet

N’kalendarin vjetor,

Vijnë ato të stinës

N’sezonin dimëror!

Meqë janë të parat

Me lloj-lloj pushime,

U takon në gjumë

T’shkrihen n’ëndërrime !

Veçmas për liderët

Që e kanë si stil,

Kur janë edhe n’gjumë

Shohin ëndrra n’diell!

Si ariu në shpellë

Struken ditë e natë,

Vetëm kur vijnë zgjedhjet

Zgjohen si lugat!

Kërkojnë me nxitim

Një votë pa meritë,

Meqë nuk e duan

Jetën n’opozitë!

Na rrasin premtime

Në luftë për pushtet,

Pastaj me nder jush

Të k’cejnë katër vjet!

Edhe për pushime...

Kur shkojnë te “Maxhuni”,

-Si berberi n’gjumë

Ëndërrojnë shkumë sapuni!

Sevdail Hyseni

(Karikatura marrë nga interneti e përpunuar)