Xhemal Ahmeti: Faleminderit dhe Gëzuar!

BESIMI I TJETRIT SI FESTË E TË GJITHËVE

Nga Xhemal Ahmeti

Nga sonte hapet cikli i festave për amigot dhe amigat e mi të krishterë. Nga unë e keni një ur[im]atë dhe një faleminderim. Nga zemra u dëshiroj festë të bukur në natën e lindjes së Krishtit dhe festat tjera pasuse. Nderimin ua bëj nga pozita e shqiptarit që çmon dhe donë kulturën e të parëve të tij: faleminderit që asnjëherë në histori nuk punuat për ta zhbërë atë në interes të ndonjë perandori, doktrine apo interesi - gjuhën, kulturën, identitetin. Përkundrazi, kleri juaj, tempujt tuaj nëpër histori shërbyen me fanatizëm, me vetësyrgjinosje në mbrojtje të gjuhës, kulturës dhe kujtesës së të parëve të mi. Edhe atëherë kur duhej të kundërshtojnë paritë e tyre të fesë që i shërbenin. Shumica prej tyre u ekzekutuan në mbrojtje të këtyre vlerave - dhe mendja ime sonte është me çdonjërin prej tyre - si shpesh gjatë vitit. Me dhe për Ju ia vlen njeriu të luftojë deri në ditët e fundit të historisë për lirinë supreme të Tjetrit në besim. Duke cituar pa zë e në vete Gjonin 15:12 u them edhe njëherë: Faleminderit dhe Gëzuar!