Jusuf Zenunaj: Edhe sa kohë...

Jusuf Zenunaj

EDHE SA KOHË…

Mjegulla e shekujve edhe sot na ndjek,

me tymin midis nesh , që po e zgjasim vetë !

Kush i përgjumur nga tradhtia,

kush nga feja,

kush nga partia !?

Serivilët e ditur e të paditur

nuk i lëshon lakmia.

Sikur me ngjyrat e përziera,

kur pikturon piktori në letër,

koha po ua zhveshë maskat të maskuarëve,

si këpurdhat e kalbura dalin me fytyrë tjetër.

Edhe sa kohë duhet të kalojnë,

dielli që ëndrruam të na rrezatojë ?!

NE, ZBRITEM NGA MALET

Ne , zbritem nga malet tona,

në fushat ku s'kishte njeri,

shekuj e shekuj më vonë

ju erdhet nga Karpatet,

erdhet bashkë me stuhi !

Pushtuat arë, bjeshkë e vërri,

në maje shpatash e hanxharësh

peshuat gra e fëmijë,

me plumb e bomba, sofrat i bëtë hi.

Këngën vrastare, Bërnadiq,

këndoni edhe në shekullin 21 !!!

DIlbeek, më 2 qershor 2019

PANDEMIA SI  PLUHURI N' ERË

Në Rezallë me tel të sharkisë,

s'ia vënë veshin pandemisë,

si gjithmonë i këndojnë trimërisé.

Në vend të largësisë me gotë të rakisë,

këngë mbas kënge e cakërrim gotash

rreth e m'rreth mbushur plot oda.

Maskat në xhepa ja diku në shpotrë,

se virusi s'i mbërrin dot.

Këmba e Thaçit kudo që shkelë,

pandemia si pluhuri n'erë .