Sevdail Hyseni: 1 Maji pandemik

Sevdail Hyseni

Satirike

1 MAJI PANDEMIK

Menduam këtë herë s'na ndal pandemia,

Për Festën e 1 Majit të ikim nga shtëpia!

S'e kuptojmë Virusin pse me kaq nxitim,

Kanë nevojë betejat për një armëpushim!

Të paktën për Maj kur jemi t'papunë,

Kemi ngel të keqen edhe pa sapunë!

Të gjitha rezervat, kanë zbritur n'limit

Na ka ardhur durimi dy gishta nën fyt!

Pikërisht, për 1 Maj, vjen vendim i ri,

Festë dhe protestë t'i mbajmë në shtëpi!

Ama, për Shën Gjergj, kjo nuk pi ujë,

Do t'ia futim thellë Koronës një kunj!

M'u aty ku s'duhet, m'falni, me nder jush,

Plus kunjit me gjemba, një kaci me prush!

Le ta mësoj Korona e Kovidi i Virusollit,

- Sherri i Preshevës, në derë të Stambollit!