Zemra Shqiptare

  https://www.zemrashqiptare.net/


Mevlud Buci: Vepra juaj, dritare në altar

| E enjte, 30.04.2020, 10:49 AM |


VEPRA JUAJ, DRITË NË ALTAR

Kushtuar mjekëve heronj që janë ballë kundër Covi-19

NGA MEVLUD BUCI

Sikur zemra në dritë gëzimi

Sikur syri pikon lotin,

Shpirt i bardhë ndez besimin,

Lum ai që flet me zotin.

Flasin sytë e shpirtit të lirë

Pranë zemrave e të vërtetës,

Plot gëzim e plot dëshirë

Për heronjtë në roje të jetës.

Bluzë e bardhë e dritëbardhësisë

Nuk u tremb nga Virus-Corona

Me dritë shpirti e shenjtërie

Në mbrojtje të jetëve tona.

Sytë e ndritur pikojnë lot

Larg fëmijëve dhe në urime

Ty përjetë të qofshim o zot,

Lule e bardhë e plot bekime.

Pranë jetës e lumturisë

Ju o mjekë me bluza të bardha,

Falni dritën e mirësisë

Stinë pranvere me andralla.

E thotë shpirti i  krenarisë

Përballë dhimbjes,qëndrestarë

Ju heronjë e mjekësisë

Vepra juaj:dritë në altar…