Shyqyri Fejzo: Nuk na merr dot atë që nuk na e ke dhënë

Shyqyri Fejzo

Nuk na merr dot atë

që nuk na e ke dhënë

Erdhe të hiqje pranverës gëzimin

Mos i lumturohemi erës trandafilit

Të prishje tek zogjtë shtegëtimin

Mos dëgjojmë  as këngën e bilbilit

Buzëqeshjen e ciltër të na hiqje

Të merrje atë që nuk ke dhënë vetë

Njerzinë e moshën e tretë të ndiqje

Të gjithë të kërcënuar me jetë

Ndaj njerzit në llogore janë rreshtuar

Si ushtarë të luftojnë  ty armiku i ri

Kushtet në këtë luftë kanë ndryshuar

S’ka më si dikur, heroizëm e trimëri

Më shumë se shumë ne mbroheni

Guximin dhe durimin kemi aleatë

Me “kukamsheftasi” po mësohemi

Frika dhe kujdesi po na ecin bashkë

Njerzimi luftën do e mbyllë me fitim

Nxorëm dhe mësuam një të vërtetë

Në betejë një kilo kujdes e durim

I barazojmë në luftë me mijra  jetë

Hamburg, Mars 2020