Sevdail Hyseni: Made in Lugina!

Sevdail Hyseni

Satirike

MADE IN LUGINA!

Në jug të Serbisë

Shpaloset Krahina,

Që e quan veten

Made in Lugina !

Lugina e Preshevës

Shtrihet ne tre shtete,

Trekëndëshi magjik

Që lidh kontinente...

Po rastis njeriu

Të vijë në Luginë,

Mendon se ka hy

Në një Karantinë !

Nuk të kap syri

Gjësendi për farë,

Nga të gjitha anët

Policë e xhandarë !

Me kufij shtetërorë

Edhe me dogana,

Që bëhen kalimet

Në disa kolona !

Nuk e ha meraku

Njeriun e Luginës.

E fiton “idaren”

Në kokërr të shpinës !

I ka falë natyra

Të mirat varg e vi,

Edhe me dy nëna

Kosovë e Shqipëri !

Dy nënat dhe njerka

Tamam pite e pulë,

Ashtu si dikur

Qengji në fabulë !