Neviana Shehi: Qyteti im mbjell drita në det

NEVIANA SHEHI

QYTETI IM MBJELL DRITA NË DET

Në vendin tim… atje përtej

detit tek ato drita mbjellë në det-

qyteti im mbjell drita në det-

Kanë ngelur lëndinat e trishta

Rrethuar me dimra gri.

Malet kane heshtur.

Deti mban në gji brengat tona

netët me Hënë… me shpresa

në trastë krahut.

Ku vamë o Zot ?

Ku jemi ?

Nga erdhëm ?

Deti kërkon shpirtin tonë… të valëzojë

Malet duan mallin e largët… të gjëmojnë

Lëndinat nuk lulëzojnë pa buzëqeshje

Pa vashat e djemtë

që përtej bregut vështrojnë

dheun tonë si vjeshtë.

Janë me kokën prapa

E di…

Do të vijë ajo ditë patjetër

Kur blerimi të mbulojë Atdheun tim

Do të vijë…