Shyqyri Fejzo: Përrallat në Parlament

Shyqyri Fejzo

Përrallat në Parlament

Kur Athinës ju lëkund pushteti

Demosteni  del tek podjumi

Parlamenti nuk e mbështeti

Zhurmë, rrëmujë andej nga fundi

Kur asnjë nuk po dëgjonte

Fjalën e tij fort të rrallë

Ndryshoi temë, po tregonte

Për gomerët një përrallë

Kjo përrallë i doli së mbari

Demosteni  fort u duartrokit

Përralla me ngjarje gomari

Me lëvdata shumë lart u ngrit

Tek ne ka probleme vendi

Ca të vërteta ca për bujë

Me përrallat si Demosteni

Ngjajnë si dy pika ujë

Vendi zien, probleme plot

Që puna të shkojë së mbari

Në parlamentin tonë sot

Tregohen  përralla gomari

Ja, iku gomari e na la

Nuk do luajmë nga fiqiri

Nuk na ndodh asnjë hata

Se ik baba e vjen i biri