Nebi Dragoti: Epitaf

NEBI DRAGOTI

 

EPITAF

 

Si gjinkalla në lis

një jetë të tërë sa mbylli sytë,

servil politik për pozitë

me gizh, gizh, gizh…

 

Vdiq, (se njeriu vdes)

dhe atje tek varri në varrezë,

tani gjinkallat i bëjnë muzikë:

gizh, gizh, gizh…

Për politikë.

 

HUMOR VERE

(Ka shumë e shumë të tjerë)

 

Hëëë, ku e la dimri, e gjeti vera,

falaz s’ të fton plazhi kaltërosh),

nuk të do, kur bosh është kuleta;

këtë merreni dhe pë humor!

 

Bobo, ku e la vera , dimri e gjen;

pa lekë dhe lëvizja është e vështirë.

Buzagaz dimër , verë i përcjell;

Ç’ të bëjë? Merrne për humor më mirë!

 

DHJETSHJA

 

Dhjetshja,

kusur nga kafja

për lypsarin në rrugë,

se dhjetë lekë kërkon,

jo,jo më shumë;

…për bukë.

 

Heu, moj jetë, ç’nuk ke;

dhjetshen ia jap,

por, vetë eh, eh, eh…

Atë që pata e dhashë.

 

VDEKJA

 

Vdekja mori një të mirë njeri.

Nuk kemi ç’bëjmë. Mirë.

Mori vdekja një njeri të ligë.

Prapë,- mire,- themi.

 

Hajde, hajde!...

Mundohu, spjegoje me filozofi!