Demir Krasniqi: Liberalizimi i vizave

Parodi :

 

Liberalizimi i vizave

 

I.

Kuku nanë ,

Po më  dhembë kërthiza –

S’ kam shërim , oj nënë ,

Pa na i  hekë këto  viza !

 

Kuku nanë ,

Fort më  ka kapë kriza –

Pa  u hekë vizat , nënë ,

Nuk  mund  t’ bajë deviza !

 

Kuku nanë ,

M’ ka mbet thatë  shtëpiza –

Pa  u hekë vizat  , nënë ,

Nuk po më  merr Liza !

 

II.

Jalla , kush na i futi , oj nanë ,

Neve , gjithë këto miza –

Jalla , që s’ po i lanë , oj nanë,

Të na japin viza ?

Of , aman, aman , aman !

 

Rrugët e Evropës , nanë ,

Jalla , gropa – gropa ...

Për pa na  i hekë vizat , nanë,

S’ po na merr Evropa !

Of, aman, aman, aman  !

 

Rrugët e Evropës , nanë,

Plot kanalizime ...

Për pa na i hekë vizat , nanë –

S’ ka liberalizime !

Of , aman, aman , aman  !

 

III.

Ani , jo  n’ këtë t’ Enjte , moj ,

Po n’ atë  t’ Enjte !...

Ani , moj  Evropë ,

O,  po boll na rrejte !

Tjaraninaj , ninaj , no !

 

Ani , jo n’ këtë javë, more ,

Po n’ atë javë – e !...

Ani ,  janë mbushë  rrugët , o ,

Plot meçavë – e !

Tjaraninaj , ninaj , no !

 

Ani , jo n’ këtë muaj , more ,

Po n’ atë muaj – e !...

Ani , moj Evropë ,

O , me ne mos luaj – e !

Tjaraninaj , ninaj , no !

 

Ani , jo n’ këtë stinë, more,

Po n’ atë stinë – e ! ...

Ani , moj Evropë ,

Kur po vjen n’ Prishtinë – e ?

Tjaraninaj , ninaj , no !

 

Ani , na ka rrokë , more ,

Nji siklet –e !...

Liberalizim vizash , o,

Nuk ka as sivjet – e !

Tjaraninaj, ninaj, no !

 

Gjilan, më 10.07. 2018 .   Demir Krasniqi