Mevlud Buci: Baladë për Idriz Xhomarën

JE NË ALTAR TË DEMOKRACISË…

 

Baladë për Idriz Xhomarën

 

Nga MEVLUD BUCI

 

Çpo vajtokan qyqet e malit

Heshtën bilbilat nëpër ara,

U nda nga jeta biri i matjanit

Demokrat Idriz Xhomara.

 

Demokrat Idriz Xhomara

Intelektual zë i lirisë,

Shpirtkristal si ujëvara,

Zemërdritë i shoqërisë.

 

Zemërdritë i shoqërisë,

Burr i urtë, fisnik i rrallë,

Shkencëtar i tokës së mbretnisë,

Në brezni do jesh i gjallë..

 

Në brezni do jesh i gjallë

Të njohu Mati, Dibra,Lunara,

Shok i urtë,  besnik i rrallë

Rron, or rron, Idriz Xhomara.

 

Rron or rron Idriz Xhomara

Nuk vdes vepra e demokratit,

Nëpër male,kodra, ara,

U rrit shtigjesh në trojet e Matit.

 

Në troje të Matit,bukurisë,

Në ato troje ku është Stelushi,

Yll i rrallë i burrërisë

Fjalpeshuar si askushi…

 

Fjalëpeshuar si rrallëkushi,

Shkencëtar mendjethelli,

Me lot sytë na i mbushi,

Ky bir që lindi Prelli.

 

Ky  bir që lindi Prelli,

Studiues i pemëtarisë,

Zemra i ndriste rreze dielli,

Vepra i foli njerëzisë…

 

Vepra i fliste njerëzisë

Ish gojëmjaltë,s`dinte të shara,

Bash mentar në udhë të diturisë

S`të harrojmë Idriz Xhomara…

 

S`të harrojmë Idriz Xhomara

Drita jote s`shuhet kurrë

Mbete Deja e Lunara

Që nga Prelli e në Qafëmurrë.

 

Që nga Prelli e në Qafëmurrë

Ku ke shkuar e ku ke ardhë,

Burrë i urtë e me nur,

Prej Selishte në Gur të Bardhë…

 

Prej Selishte në Gur të Bardhë

Kryevëlla, pëllumb i shpatit,

Ishe mbete faqebardhë

Zë lirie,bilbil i Matit.

 

Zë lirie,bilbil i Matit,

Gen urtie i Kros Skurës

Nderim i bëre Ahmet Perhatit,

Martirit kundër diktaturës.

 

Vrarë ai në Kull të Qershisë

Mbetën eshtrat në Kodër të Palit,

Me kujtesë të bestarisë

E nderove atë shqipe mali…

 

E nderove atë shqipe mali

Perhatin në përndjekje,

Kur ia humbën në Kodër të Palit

Eshtrat,dënuar me vdekje…

 

Veç për trima ka këngë malli,

Nderimi jot shkruhej në ballë,

Zemra jote dritë e beharit

Idriz Xhomara Fanar..

 

Idriz Xhomara fanar

Sa e shkurtër është kjo jetë,

Mat e Dibër ty të kanë

Shpirt hyjnor dritë të vërtetë..

 

Shpirthyjnor dritëtë vërtetë

O stërnip i Shën Trinisë,

Shpejt ike nga kjo jetë,

Mal ke gjurmët e fisnikërisë…

 

Mal gjurmët e fisnikërisë

Lum ç`petrit lindi Mati,

Zemërbehar  i demokracisë

Zë stuhi,shpirtdemkrati

 

Zë stuhi, shpirt demokrati

Gen mirësie i drejtësisë

Si kalatë që ka Mati

Je në altar të demokracisë…