Mhill Marku: Sot në varreza shkova

SOT NË VARREZA SHKOVA

Nga Mhill Marku

Sot në varreza shkova

Të takoj të dashurit e mi

Një nja një varret i ledhatova

Një nga një i putha në fotografi.

Nënën, babanë, vëlla e motër

Tek i shikoja me mall në sy

Eh, u bënë vite s’u kemi në votër

U bënë vite që qajmë për ju.

E ndjeva thellë ledhatimin e nënës

Tek më shtrengonte kokën në gji

Në piskun e vapës a terrin e natës

Edhe sot nën peshën e dheut të zi.

Përqafimin e babait e ndjeva

Mu duk se më përqafoi dhe tani

Që fjalën e tij kurrë s’e theva

Siç dinte të mësonte e donte ai.

Dhe sot, o motër, këtu në mermer

Tek na shikon e heshtur në sy

Ngreu, na puth, siç bëje përherë

Të çmallemi ne, të çmallesh dhe ti.

Eh, vëlla i dashur ike aq shpejt

Jetën pa e gëzuar e le mu në mes

Ti për të gjithë ne ishe shumë i shtrenjt

Kujtimi e malli për ty kurrë s’do të vdesë.

Ndaj në varreza, sot shkuam

Të çmallemi me të dashurit e zemrës

Atyre peshën e dheut ua lehtësuam

E në lehtësuam sado pak peshën e dhimbjes.

-Per ZemraShqiptare, nga Shengjini, Tetor 2017-