Bajram Canameti: Dasma mbretërore

DASMA MBRETËRORE

 

NGA BAJRAM CANAMETI

 

Bekim i dasmës mbretërore

Në zemër të kombit trokiti,

Erdhën shqiptarët nga hapësirat

E princ Leka  në mirëseardhje i rriti.

 

Urimin e shpërndan kënga buçitëse

Nëpër shtigjet e hapësirës shqiptare,

Rrugë, pemë,male dhe re valëvitëse

Përcollën tingujt e saj krenare.

 

Na grish dasma të dalim nga hallet,

Zemrën të shfletojmë me dashuri,

E bashkë me zemrën edhe urimi s`ndalet

Për princin  dhe dasmën e tij.

 

Princ Leka dhe princeshë Elia,

Të bukur si yjet në qershor,

Gjëmon kënga, çiftelia

Dhe cyrlja e klarineta me tinguj gazmorë.

 

E bukuir dita,i pastër ajri,

Blerimi qelibar,kristal,

Priste priste Tirana mbretët të ardhur,

Nga Maroku në Skandinavinë e bardhë...

 

Çifte aristokratësh ndonjëherë

S`ishin mbledhur në këtë qytet,

Me një thjeshtësi plot vlerë

Se edhe Shqipnia kish princ e mbret...

 

Nga Çamëria e Labëria,

Nga Kosova e  Presheva,

Vërshonin  njerëzit me të mira

Princ Leka:Mire se të gjeta...

 

Në çdo kënd të vatrës shqiptare

Aty ku shqip i thonë bukës e lirisë,

Vinin të lashtat valle,

Dhe tingujt e melodisë...

 

Besimi ndez zjarrin e shpresë

Rrembat e gjakut  buçasin,

Dhe një bukuri i jepet jetës

Nga madhështi e dasmës...

 

Dhe vjen një zë i largët na thërret

Në ajrin e kësj feste tradicionale

Vjen ai  dhe na thotë me fjalën mbret

Shqipnia është Etnike ,as e vogël as e madhe...

 

Farkëtohet fjala e temperohet,

Krahët merr medimi në fluturim të tij,

Dhe e artë gjithnjë kujtohet

Kur Shqipnia kish mbretëri...

+++

Ikën më tutje mendimi në shekujt

Ndalet në tokën ilire,

Ngrihen viganë në parafytyrë mbretërit,

Të lartë si kreshtat alpine...

 

Të ndritshëm ishin si ylli,e Iliri,

Grabosi,Taripi e Bardhyli,

Mbretër që nuk u humbet emri,

Viganë e të fortë ,të ndritshëm si dielli.

 

Biri i Bardhylit ishte Kleitos,

Me famë ish e me lavdi,

Tridhjetë vjet Glaukos,

I famëmadhes Ilri...

 

Aleksandri ,Pirro,Pleurati,

Zemërluanë rrufe në stuhi,

Më ngjajnë janë në dasmë

Pamje krenarë e me madhështi...

 

Agron i lavdishëm,Teuta ,Genti

Mbretër të famshëm lavdi plot,

Prej tyre në dasmë sikur vendi,

Shkëlqen më fort...

 

Progon e Dhimtri që ngritën Arbërinë

E Gjergj Kastrioti -Skënderbeu,

Balshat e fuqishëm   me Lekë Dukagjinë

Topijat e Aranitët,burra dheu...

 

Zahariajt, Skurajt e Gropjanët

Princër të lartë e të pushtetshëm,

Bushatllinjtë ,Zogollët e Toptanët,

Një gjerdan princash e mbretërish...

 

Ju vini mbretër në këtë dasmë

Ashtu siç jeni,madhështor,

Ngriheni lart siç e keni hak,

Në rrëmba të gjakut arbëror...

 

Seç m`u kujtuat në këtë dasmë

O krenari të popullit tim,

Teksa buçet kaba e lashtë

E hidhet vallja  e syri ndrin,

 

I princit Lekë princeshës Elia,

Dhe sa të ftuarve u ndrin  syri,

Se kombi bëri dasmë të mirë,

Për princeshë e princ xhevahiri...

 

Jo vetëm populli vjen në dasmë

Mbretërit ilirë e mbretërit e botës,

Se shqipot gjithnjë kanë klas,

E nder i ngrenë Kurorës...

 

Se shqipot dinë të nderojnë

Në instikt të tyre mirë e dinë,

Ndaj muzikat melodojnë e gjëmojnë

Dasmë kemi e  me gaz të ngremë dollinë...