Demir Krasniqi: Sllupçani fole për komb e atdhe

SLLUPÇANI FOLE PËR KOMB E ATDHE

 

Veç prej shpirtit dhe prej xhanit –

Po ia këndoj këtë këngë Sllupçanit !

Djep për trima dhe fole –

Veç  për komb e për atdhe !

 

N’ atë luginë të Kumanovës ,

Në komunën e Likovës ,

Shtrihet fshati i Sllupçanit –

Krenaria e mbarë vatanit !

 

Në Sllupçanin , n’ këtë fshat të mbarë –

Banorët jetojnë krenarë ;

Janë të lashtë popull shqiptarë ,

Janë kombëtarë dhe atdhetarë !...

 

Sllupçani –  fshat historik ,

Fshat i pasur arkeologjik –

Është i njohur në mbarë globin ,

Që më s’ shumti dha  për kombin !

 

Sllupçanasit  plot krenari –

Kujtojnë vitin 2001 ;

Kontribuuan , s’ kursyen fare ,

Për kauzën tonë shqiptare !

 

Toponimet  malit ,  shpatit –

Dëshmojnë  lashtësinë  e  fshatit !

Po e  shënojmë një mal  me shkas –

Që e ka emrin  “Arbanas” !

 

Kur shtrojmë sofrën e  bukës , kripës –

Kujtojmë  vendin  te “Guri i Shqipes”!

Kur n’ oxhak zjarr djegim flakë –

Kujtojmë  vendin “Kuiria Plakë” !

 

Shqiptarët që  kanë ardhë n’ Sllupçan –

Janë shkodranë , lumjanë , kukësjanë !...

U  takojnë fiseve me terezi –

Sopaj , Krasniqe  dhe Kryezi !...

 

Ruajnë traditat e t’ parëve të tyre –

Besën , moralin  dhe fytyrën !...

Ruajnë traditën , ruhet ndera –

S’ pranojnë  banorë  nga vendet tjera !

Sllupçanasit  kurrë  nuk  do të  martohen

Me  ato  sllupçanase  që  shkurorëzohen !

Djali i Sllupçanit për kurorë të fatit –

Nuk guxon t’ martohet me vajzën e fshatit !

 

E veçanta e fshatit që ka vlerë thesari –

Është kalaja e vjetër që quhet “Hisari” !

Ajo është ndërtuar n’ Perandorinë Romake ,

Por vlera e saj  kurrë nuk di të plaket !

 

Banorët e Sllupçanit – njerëz të sakrificës ,

Nuk e harrojnë kurrë Luftën e Runicës !

N’ Luftën e Runicës , n’ vitin Dyzet e Katër –

U vranë tre fshatarë dhe u banë masakër !...

 

Fejzullah Demiri dhe Halim Neziri –

Deshën ta mbrojnë fshatin si ishte ma s’ miri !

Bashkë me ta luftoi dhe Nezir Isaku –

Nga gjaku i tyre u skuq Karadaku !

 

E kujtojnë 5 Shkurtin e vitit ‘51 –

Kur e rrethuan fshatin 300 polici !

Forcat policore zbatuan urdhëresën –

Femrat e mbuluara ta heqin mbulesën !

 

Forcave policore ,  fshatarët iu rezistuan ,

Porse shumë prej tyre  në burg përfunduan !

Aty dhanë nënshkrimin për vdekjen e një plaku ,

Për mbrojtje të nderit nuk kursehej gjaku !

 

Po ashtu e kujtojnë vitin ‘82 –

Armiqve  shkolla shqipe u  ishte bë  halë n’ sy !

Prej ditës në ditë seç po shtohej dhuna –

Katër sllupçanas i larguan nga puna !...

 

Këta katër burra u burgosën nga Sllupçani –

Naim Ibrahimi, Feim Ramadani ,

Ai Avni Deari dhe Esat Deari ,

Armiqtë  nuk  donin shkollë  të ketë shqiptari !

 

E kujtojnë për herë vitin ‘88 –

Kur  për shkollat shqipe nuk kursenin jetë !

I kujtojnë burgosjet  e  shqipeve  t’ rinisë –

Që  bënë rezistencën  kundër policisë !

 

Kujtojnë 2001 – shin , kur  kishin  idenë –

Unanimisht tërë  fshati pranoi UÇK-në !

Prapa saj qëndroi dhe i rritej nderi ,

Nuk e harrojnë kurrë Familjen Zymberi !

 

Demir KRASNIQI

Gjilan, më 02.10.2016.