Haki Bunjaku Për hajr dasma e synetisë!

„PËR HAJR DASMA E SYNETISË“

Nga Haki Bunjaku

Fatkeqësi!

Qyteti im-Gjilani me rrethinë, në mënyrë famoze po pranojnë Osmanizimin, me Erdoganin në krye “Baba i Madh”e quajtën disa injorantë.

E para e punës këtu “dasma e synetisë“ na vie si gabim kuptimor gjuhësor, sepse synetia, një operacion plastik, prerja e shaputkës (zhanglës), me asnjë kriter gjuhësor nuk mund të quhet dasmë. Nëse gjuhëtarët nuk zgjedhin ndonjë termin adekuat, atëherë mjafton të thuhet: Urime (për hajr) synetia!

Për syneti, sa ishte në rregullat shqiptare, mbaronin një kalanicë(çanak) a xhyveq petulla. Vinin për përhajrim kojshitë dhe ndoj plakë, që sillnin ndoj mollë a dardhë, ndërsa burrat ndoj pare të metaltë.

Nuse e çika nuk vinte asnjë për be.

Një ilustrim:

A u çuen fëmija?!

Një Smajl Suharrna i kishte bër synet tre nipat. Në udhën e kronit rastësisht përpiqen me nusën e kojshisë. E shkreta, si e nershme e pvet:

-O axha Smal, a u çuen fëmijtë?

-Jo nuse, ti ma pe din, bash aty okolla gugje shkuen posht.

Tash, hajde mashallah, njëqind vetë për heqjen e shaputkës, ”dasmë” edhe intelektualë, që janë rën edhe nën nivelin kulturor të rrethit.

Ani kur të tubohen e turr te filan profesori në përhajrim të haxhillëkut. A s`është edhe ky rast frustrim i kulturës tonë dhe pranim i asaj të huajës.

Dy kushëri, nga shtysa e jashtme, janë bër haxhi. I kam takuar të dytë, por as për hajr dhe as për sherr nuk u thash.

Edhe në ahengjet për syneti nuk marrë pjesë kurrë, bile kur kam rast i qortoi.

Inelektuali, profesori edhe kur ta le ditarin, duhet të mbetet intelektual! Për ndryshe mbetet injorant, edhe më ulët se rrethi ku jeton.

Intelektualët (disa) dhe politikanët (të gjithë) e kanë çitur viçin, veç inshallah Allahu ua shtie mendt në krye!

Po zor shumë.

Tash, mbasi po del fitim, do t`i synetojmë edhe femrat. Kurrëgjë s`është!

Biznis baco!

Po si do ta quajnë këte “synetim”?!!