Puntorie Ziba: Pritja

Puntorie Ziba

Pritja

(Fundgushti)

Tinëzisht t'i hodha sytë

një ditë fundgushti të 2016-tës,

i shkrumbuar

i harruar ishe...

Të shitoftë orëliga

që mi le shqisat hapur

gojë e sy shkrumb zunë.

Si duhmë rrufeje,

pleqëria t'i kishte hapërdarë

flokët e thinjura

si lesh dhie.

Shikimi yt i trembur,

i egërsuar si thiu shkurrajeve

mi ngujoi hapat çaprase.

Trup gërdallë

kalamendeshe bulevardit,

një rrisk nur s'kishte mbetur

mbi qerpikët e gjatë fut të zi

as mbi kaçurrelet e trëndafilta dikur...

Ah, mizorisht të kishte shëmtuar pleq?ria.

Një surbull lotësh

ç'mi dogji faqkat si mollë e ngrënë krimbash

dhe jeta më ngeci në grykë

oh, vdekja më ngeci në grykë.