Azem Baliaj: Numërim i gabuar

NUMERIM I GABUAR...

(Ose: Zemra vetveten skanon në dy dogana!!)

-Një nga poezitë konkuruese në "Ora letrare 2016" B. Curri-

Nga Azem Baliaj

Ka miljona vjet, sa t'mujsh me numrue

Emnin tem per keq ma deshifrojnë

Edhe sot ne festen "gjysmake" tuj festue

Apet me sherr ma grisin, ma pergojojnë!

Sa t'mujsh me numrue tash miljona vjet

Jam prej Babine, gurgac i moçëm shqiptar

Sternip i Teutes nga Nishi deri ne det

Qysh ne paganizem botës i prina mbarë.

E tash, ne kohe moderne krejt tradhetisht

Emnin tem prap e perdreqnojnë me kufi

Me lypin identitet a thua se jam me bisht

A thua s'kam themel as kulm ne shqipni!

Më merr malli per votren ku jam le e rrit'

ku me tamel bjeshke m'bekoi nina-nana

Ne kufinin gjarpen me duhet me pritë

Zemra vetveten skanon ne dy dogana!!

-Kalo vllau jem , -m'vjen zani prej sporteli

E sytë tanë sikur thonë: -Çka kem me ba!?

sa t'jetojne planetet, lisi, hana e dielli

Betohem vet me veti: -Jo, nuk duroj ma!

Udhetoj drejt vendlindjes te trojet e t'parëve

Perkundem gjumit të ambel andrrave hutue...

Tash miljona vjet shoh vargun e shqiptareve

Të njejten zemer..., oh, dy here tuj numërue!

./.

-Per ZemraShqiptare, nga Lezha e Gjergj Kastriotit, Maj 2016-