Bedri Tahiri: Pavdekësia

Bedri TAHIRI

Pavdekësia

(Prof. Mahmud Hysës)

Ç’paska sot kjo Dibra Jote

Që me gojë fare nuk  flet?

Të përcolli burrë me nam

Të shtrirë e symbyllur po të pret!

Letërsinë e vjetër shqiptare

Na e mësove me zell e dashuri

Priftërinj, dhaskalë e bejtexhi

I bëre tok në Krestomaci

Pal Engjëlli e Dhaskal Todri

Barleti, Budi e Variboba

Bogdani, Çami, Bardhi e Nezimi

Kuvendonin shtruar te Voskopoja

Ligjërimet përplot ëmbëlsi

Vendosmëria e burrave të motit

Librat e brumosur me urtësi

Të japin jetë në PAVDEKËSI