Dedë Preqi: Mos thuaj Kosovë se mbarova

Dedë Preqi

 

(popullore)

 

MOS  THUAJ KOSOVË SE MBAROVA

 

Mos thuaj Kosovë se mbarova

Gjitha dëshirat  t’i  plotësova,

Një ma të mirën pavarësinë

Kush po ta prish sot qetësinë?

 

Po, po o lum zotëria

Shumë e mirë është kjo pavarësia,

Por, kjo nuk pihet, as nuk hahët

Pa e ujitë pakëz edhe lulja thahet.

 

Mos  thuaj Kosovë se mbarova

Gjitha këto rrugë për ty i mora,

Kam dhënë rininë, kam dhënë gjakun

E ti sot nuk po ma jep hakun.

 

Po, po o lum zotëria

Por, ju me mu po lozni si fëmija,

Akoma në trup më kullojnë plagët

Dikush po mburret e tjetri po jargët.

 

Mos thuaj Kosovë se mbarova

Ndër gjitha vendet ty të zgjodha,

Sot e ke shtetin, Kushtetutën e re

Dhe nuk je e kënaqur, çfarë halli ke!

 

Çfarë të thëm o, lum zotëria

Po i keqpërdorni vlerat e mia,

Kushtetutën e kanë bërë lodër

Kush më i pari po arrinë në kodër.

 

Edhe ligjet i kanë bërë lastik

Korrupsionin e kanë zënë mik,

Drejtësia  figuron vetëm në letër

Ndërsa krimin e kanë bërë vepër.

 

Si  t’thuash se punët nuk janë keq

Më okpuan e sunduan dreq mbi dreq,

Sot më nëpërkëmbin gjarpinj e hardhuca

Që bashkëpunojnë me çakaj e dërguca.

 

Po më plas zemra, tinëz e ashiqare

Kur me tokën time po bëjnë pazare,

Deri kur të duroj kështu o, lum zotëria

Nuk do të lejojë lojëra  me trojet e mia.