E premte, 12.07.2024, 11:20 PM (GMT+1)

Kulturë

Kasam Shaqirvela: Flaka e yjeve

E diele, 17.01.2016, 12:48 PM


Në kujtim të tre martirëve të kombit: Jusufit, Kadriut dhe Bardhoshit, e ribotoj poezinë time kushtuar atyre, në këtë datë ku janari sa herë që vjen po digjet n'flakë!

FLAKA E YJEVE

 

(Jusufit, Kadriut dhe Bardhoshit)

 

Flaka është ndezur kaherë

Në janar bën të ftohtë, acar

Palca të ngrin prej shikimeve

Të akullta e të njelmëta zeher

Ashti im mbin edhe në janar

Edhe pse dallëndyshe s’ka tani

Lulebora akoma nuk ka çelë

Bilbili e kërkon që t’i marrë erë

Veçse korbat krrokasin nëpër çati

Kërkojnë ashtin për ta sqepitur

Thuan që ata e parandjejnë kohën

Sikurse njerëzit me shpirt të shitur

Por, yjet e bardhë flakë lëshojnë

Atëherë kur bien për tu ngritur

N’panteonin e kombit të vet pushojnë

Në qiellin e tij të shndritur

Yjet nuk vdesin porse lindin !

E kur lindin nuk shuhen më kurrë

Ata nuk vdesin edhe kur vriten

Por bëhen emblemë në flamur

Dalëndyshet arrijnë më vonë

Në pranverë, kur s’ka më acar?!

Dhe Kënga e Bilbilit bëhet jehonë

Hymn në panteonin kombëtar!!!

© Kasam ShAQIRVELA



(Vota: 2 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora