Përparim Hysi: 70-vjet të Faik Ballancës

70-vjet të FAIK  BALLANCËS *

( poezi jubilare)

"Prozator i mirë është ai që, dhe në prozë, është poet!" - Sharl Baudler

 

Nga Përparim Hysi

 

Ja i mbushe 70-vjet

Ti prozatori- poet

Se poet ishe në prozë

I bardhë si Albatros!

 

Mos kujto se ti ke vdekur

Mes lexuesish, gjallë, je gjendur

Je i gjallë, FAIK BALLANCA!

Sikur vjen nga balada!

 

Tek shfletoj të tuat libra

Në gjithë prozën ia bën prima

Vargu i shkrimeve është i gjatë

Por e gjithë proza është e mjaltë.

 

Futem lexoj tek "Rrëmbimi"*

Dhe i ngrohtë për ty, urimi.

"Mbama pak pallton, çun"**

Apo "Plumbi del me plumb" ***

 

Në tregime ia bën fora

Të shkruan shpirti, pa shkruan dora.

Dhe më tutje: një roman!

Një roman si pak veçan.

 

Shkrove për "Nomenë... larg" ****

Si bukëvale lyer me gjalpë

Ah, ajo "Nomeja e largët!"

Sa heq "koren", dhëmbin plagët.

 

I re Shqipërisë mbanë

Dhe, kur sytë keq të panë,

Duket vetes i bën "gjyq"

Mu si Krisht u vure në kryq.

 

Vrave veten, krejt i ri

Sa kishe mbushur tridhjetë e dy

Bash në vitin 1977

U hap lajmi i zi, mandatë.

 

Vrave veten... jo më kot

Shpirti i brishtë s'duroi dot.

Ike ,por mbetesh në vepra

FAIK BALLANCA rron në zemra.

 

* në vend të fjalës që do mbaja në takimin jubilar tek "Akademia e Shkencave" ku, për arsye subjektive, nuk shkova dot.

* në thonjëza janë shkrime të  të bukurit,Faik Ballanca që , veç tregimeve, shkroi romanin "Nomeja e largët.