Demir Krasniqi: Pren Curri

Nga folklori ynë burimor :

Pren Curri

Po kuvenin nja tre kapetana –

Se n’ Mirditë , o, ka shumë djem azgana !

Ish , o, Pren Curri , o , ma trim , o, se zana –

Kurrë s’ ish lidh , o, se e ka ba nana ,

Ish ardhë Nemci , e kanë lidhë , o, në pranga !

Lidhë në pranga , fort e kanë shtrëngue –

Përpjetë bjeshkës , djalin janë tue que ,

N’ Binak Currin , o, kokan qillue !...

N’ Binak Currin , o, kokan zatetë ,

Kapetanave , djali çka po u thet –

Lëshomna vëllaun , o , le t’ shkon n’ shpi t’ vet ,

S’ jav la vëllaun , o, kurrë për këtë jetë !...

Koka dredhë e koka shkue n’ shpi t’ vet ,

Marrë na i ka nja tre mashqi t’ vet ,

E t’ Mirditës , o, nja shtatë , a tetë ,

Ja u nxu pritën , djali , n’ atë qerret –

Kapetanat  po vinë përpjetë !...

-Nalnu – ju thotë – o , ju kapetana ,

Se ju bajë , o, qi s’ ju njeh nana !

S’ ju njeh  nana , as baba i vet ,

Se këtu i thonë s’ dojna , na , hyqymet !

Hyqymeti , o, le t’ rri  në Shkodër ,

Se këtu i thonë , o , Mirdita e vogël !

Se këtu i thonë , o, Mirditë gazepi –

S’ na e banë toka , neve , bereqetin !

S’ na banë toka , neve bereqet ,

I kena shpijat , ore ,  skrep e n’ skrep ,

T’ gjithë për gisht , o, ja kem adet –

Kapetanat , o, të tret po i vret !

***** Demir KRASNIQI : “KOSOVARI KËNDON” – Prishtinë , 1975 , faqe 303 .