Demir Krasniqi: Malli për instrumentet muzikore

MALLI PËR INSTRUMENTET MUZIKORE

 

Sa  i  dua  këngët e bylbylit  –

Aq  i  dua tingëllimat  e fyellit !

Sa  i  dua  bukuritë e malit –

Aq  i  dua  tingujt e kavallit !

 

Sa i  dua  tingujt e dudukut –

Aq i  dua  ritmet  e darabukut !

Sa  i  dua  fshatrat e Kamenicës –

Aq  i  dua tingujt e  mezhnicës !

 

Sa i  dua  trimëritë  e  Teutës  –

Aq i  dua  tingujt e lahutës !

Sa  e   dua  aromën  e lules  –

Aq  i  dua  dhe   jonet e  surles  !

 

Sa  ia  dua  lulet  tulipanit –

Aq i  dua  ritmet e  tupanit !

Sa e dua  ahengun  e qejfit –

Aq e  dua   ritmiken  e defit  !

 

Sa i  dua  petullat  e flisë –

Aq ia  dua   tingujt  çiftelisë !

Sa  ia   dua  titujt  hierarkisë –

Aq  i   dua  tingujt e  sharkisë !

 

Sa  e dua  Kalanë e Prizrenit –

Aq  i  dua  tingujt e karadyzenit !

Sa  ia   dua  këngët kanarinës  –

Aq  ia   dua  jonet   mandolinës !...

 

Sa ia  dua bukuritë  Prishtinës –

Aq ia  dua  tingujt violinës !

Sa  e dua  artin e  muzikës –

Aq  ia  dua  tingujt harmonikës !

 

Sa  i  dua  bylbylat dhe hutin –

Aq i  dua tingujt dhe flautin !

Sa  i dua shqipen dhe sokolin –

Aq  i  dua tingujt dhe pikolin !

 

Sa  e dua mjaltin  e  bletës  –

Aq  ia  dua  tingullin  klarinetës !...

Sa  e dua  aromën e  ftonit –

Aq  ia  dua  tingujt  saksofonit !

 

Sa  i  dua  sytë  e   kosovares  –

Aq  i  dua tingujt  e kitarës  !

Sa  i dua  t’ mirat e fshatares  –

Aq  i dua  akordet  bas kitarës  !

 

Sa i  dua  plisat dhe kupolën –

Aq i dua  tingujt dhe violën !

Sa  ia  dua  bukuritë  zabelit  –

Aq  ia  dua  tingujt   violonçelit  !

 

Sa  i  dua  vlerat e  kompasit –

Aq  ia  dua  tingujt  kontrabasit  !

Sa e dua  Diellin edhe Hënën –

Aq e dua muzikën  dhe  këngën !

 

Gjilan, më 05.08.2015.          Demir KRASNIQI