Dedë Preqi: Njeri apo bishë!?

Dedë Preqi

 

(Poezi)

 

NJERI, APO BISHË !?...

 

Fjala bishë

Nuk përkthehet

Sepse zbutët,

Kokën e nxjerr

Si lanet

Ndër sjetull,

Për t’pasë shëndet

E kapërdinë

Pjellën e vet.

Kush u bie në fije

Këtyre të ligave

Që ndjellin mallkim,

Në lojërat e djallit

Marrin yrrnek

E gjejnë gjasim.

 

 

NË KËTË TRUALL

 

Në këtë truall

Ka erë gjaku,

Bimët në heshtje

Rritën varë,

Durimin e shterrë

E përbijnë nën dhe.

Kjo botë e irëtuar

Tundët kot në erë,

Më shumë breshër se shi

Lotët në saq i terë.

Në këtë truall

Lule të kuqe mbledh,

Të mundon cicërima

E zogjve të verdhë.

 

 

MALLË I Ç‘MALLUR

 

Kam mallë

Për muzikën

E ëmbël shqipe,

Por më vjen keq

Që nuk ndjejë mallë

Kur e bënë përshesh

Melosin e vet.

Kam mallë

Për fushën, malin

Për bariun e etur,

Por më vjen keq

Që nuk ndjejë mallë

Për zërin e fyellit fjetur.

Kam shumë mallë

Për mrizin e lisit

E tubimin n’mes nesh,

Por më vjen keq

Që nuk ndjejë mallë

Për kuvendin e fisit.