Izmir Todaj: Do të shihemi ndonjë ditë

DO TE SHIHEMI NDONJE DITE

Ne do të shihemi ndonjë ditë

Në rrugët e humbura të Tiranës,

Ose rastësisht takohen sytë

Nëpër manifestimet e pedonales.

Ne do të shihemi ndonjë ditë,

Në ndonjë kafene të braktisur;

Unë duke menduar për poezitë,

Ti, cigaren etshëm duke e thithur.

Ne do takohemi ndonjë ditë,

Aq sa mallin për t'a shuar,

Dhe do bërtasim të dy :- O shpirt!

Njejtë si dy të dashuruar!

Jo si dy miq, që kurrë s'u pamë,

Por si dy të ndarë, që takohen sërisht.

Dhe s'do e dimë përse u ndamë,

Kur njeri-tjetrit i mungonim çmendurisht.

©-Izmir Todaj