Begzat Rrahmani: Poezi fetare

Poezi fetare nga permbledhja "Perjetesia"

 

Begzat Rrahmani

 

O NJERËZ

 

Zemra e Kur’anit

është JASINI

lexoni me vëmendje

te pseja do të vini.

 

Në Kur’an ka dijeni

sa Galaktika me yje

prandaj Ju o njerëz

hulumtoni fusha dhe pyje.

 

Të dërguarit e Zotit

na kanë ardhur me vepra

mrekullitë e tyre

i kemi nëpër letra.

 

Me leximin e tyre

ju pastrohet zemra

me mirësi e butësi

ktheheni te amshimi-tjetra.

 

 

FJALËT E XHIBRILIT

 

Me penë dhe armë

kur e mbron vatanin

adhuron Zotin

dhe beson Kur’anin;

 

Lutjet për amshim

ti kuptoni mirë

duhet gjuhë amtare

dhe vatan të lirë.

 

Fjalët e Xhibrilit

peshojnë sa tërë bota

veproni sipas tyre

jo punë të kota.

 

Kraharorin për të çarë

duhet punë e dijeni

si dikur Muhamedit

e Zotit - FUQI.

 

 

PENA DHE DITURIA

 

Simbolet e shenjta

na i fali perëndia

-DITURI E PENË-

të adhurojë njerëzia.

 

Si ngjiza në mitër

që rritet ngadalë

Zoti i jep shpirt

në jetë për të dalë.

 

Pena prej fëmijërisë

të kalit adhurim

pastron diturinë

për trupin shpëtim.

 

Dituritë e thella

Kur’ani i brumos

argumentet e jetës

pena i vulos.

 

 

PARAJSA

 

Me mirësi hapen rrugët

në rreth të ngritët vlera

Zoti të shpërblen

Xhenetit i hapet dera.

 

Engjëjt janë të gëzuar

që të ndjekin në jetë

del përpara drejtësisë

çdo fjalë e vërtetë.

 

Shejtanët pëlcasin

kurrë si ke bërë shokë

ke menduar për amshim

dhe për këtë botë.

 

Rrugëve të Kur’anit

kurrë s’ mbyllet dera

ZOTI TË SHPËRBLEN

kurrë s’të bie vlera.

 

 

KUR’ANI

 

Zoti dërgoi Kur’anin

truri ti pastrohet njeriut

si freskimi i ajrit

pas ramjes së shiut.

 

Të trasojë rrugët

që i duhen në jetë

tjetrit mos i bëhej keq

pasi së dëshiron vetë.

 

Duke lexuar Kur’anin

shpirti hedh prapësitë

je i respektuar

shton dijenitë.

 

Të urrejnë shejtanët

s’të afrohen në shoqëri

sa kohë lexon Kur’anin

ata ndodhen në robëri...!

 

 

BUTËSI SHPIRTI

 

Kur të preket shpirti

digjesh në zemër

i kthehesh Zotit

përfiton emër.

 

I a lehtëson vuajtjet

atij që kërkon mëshirë

prej tij të vjen urata

të gdhihesh shëndosh e mirë.

 

Ai që s’ka shpirt e zemër

është një copë kallkani

e urren edhe Zoti

dhe i tërë vatani.

 

Duke lexuar Kur’anin

ndien në zemër butësi

përherë të thotë shpirti

njeriut i duhej liri.

 

 

NATA E MADHE

 

Natën e Madhe

ne të gjithë festojmë

duke iu lutur Zotit

dhe e falënderojmë.

 

Që na bëri njerëz

dhe na solli në jetë

të përgatitur të shkojmë

edhe në Ahiret.

 

Pasi në këtë botë

askush s’ka mbet

mirësitë hapin derën

për në Xhehenet.

 

Me lexim të Kur’anit

Dimë për dje dhe sot

prej mrekullive në te

derdhim edhe lot.

 

 

VEPRAT E BËRA

 

Do të ringjallemi o njerëz

si bimët në pranverë

-Ditën e gjykimit-

të gëzuar apo të mjerë.

 

Në varr shkon trupi

por s’është i amshuar

-VEPRAT E BËRA-

s’kanë të mbuluar.

 

Engjëjt ndjekin

çdo vepër e fjalë

për ju njerëz

deri sa jeni gjallë.

 

 

BETIMI

 

Ai që beson Zotin

adhuron me zemër

bënë vepra të mira

në shpirt ka një emër.

 

Pasurinë e kemi shpërblim

kurse trashëgim fëminë

siç kujdesemi për ta

duhej edhe dijeninë.

 

Edhe vetë Zoti

betohet në penë-shkrim

me te ruhet çdo gjurmë

që kemi trashëgim.

 

 

SHPIRTLIGU

 

Ai me shpirt të lig

bënë vepra krimi

kurrë s’ pendohet

i mungon besimi.

 

Djalli ia ka mbyllur sytë

është i bindur se s’ bënë mirë

e dinë se engjëjt regjistrojnë

është zemërkeq e plotë smirë.

 

Zotin e kujton

kur ndodhet në rrezik

pasi kalon stuhia

s’njeh Zot as mik!