Nebi Dragoti: Baza dhe maja

NEBI DRAGOTI

 

BAZA DHE MAJA

Poemth politik

 

Fjalën e bëj

rezonancë,

e bëj

të ylbertë,

e bëj

shatrivan…

 

Fjala

zbret

rrufe

nga lart

poshtë.

 

Poshtë

është baza…

 

Fjala

e kulluar,

e artë

ngjitet

fontanë

nga poshtë

lart.

 

Lart

është maja…

 

Pa bazë

nuk ka majë…

 

Maja

në shërbim

të bazës,

se baza

mbi shpatulla

të ngjit

e të mbanë

në majë…

Qartë?!

 

Busull

më të mirë

s’ka më:

politika

ta mësojë këtë!

 

Dhe…

Vajmedet,

kur s’punohet për bazën;

bëhen lëkundje sizmike,

krifën tund ajo,

bëhet lëvizje e zjarrtë:

maja

bie,

rrëzohet sakaq…

 

…Për t’u ngritur

mbi bazën horizontale

tjetër majë:

për ngritje ekonomike,

për mirëqënie sociale!...