Agim Gashi: Prapë po qanë flamuri i Gjergjit

AGIM GASHI

 

PRAP PO QAN FLAMURI I GJERGJIT

 

Sonte në këtë natë festive

Ofshama e Gjergj Kastrioti përfshiu Arbërinë

Ofshani edhe Ismail Qemali

Ore i mjerë flamur

Më dhimbshëm nuk valove kurr

 

Edhe plagët e dëshmorëve

Sonte kishin dhimbje

Kullonin gjak shqiptari

Loti rridhte pa ndal përsëri

Për atdheun e përdhosun

Në vrasje

Korrupcion

E hajni

Nënat kërkojnë varret e t´bijave

Të bijëve trima

Nuseve tona

Por as unazat nuk u gjenden askund

Të dhunuarat e luftës

Dhunim kombëtar

 

Në vend të flamurit

Nënat tona sot

Akoma shpalosin kmishat e gjakosura

Të cilat shpërdajnë mesazhe

Se krimi askund në botë

Ska veti civilizuese

Këta tanët i futen veshët në lesh

Kishin halle tjera

Flamuri te dera rënkon

Pikon gjak e lot´

 

Liria nuk është vetëm e imja

As Flamuri nuk është vetëm i imi

Dhe nuk tentoj të identifikohem

Me nocionet popull e atdhe

Të shenjëta për secilin nga ne

Në shpine nuk po i mbaj

As nuk vej monopol mbi to

I mbaj në zemër

 

Karaxhozat na e uzurpuan lirinë

Popullin e atdheun

Na e humbën drejtëpeshimin nacional

Nuk e lanë gjakun e ri të mëkëmbet

Dhe me turravrap mortaje

Vunë monopol mbi të gjithat

Që i takojnë secilit

Thanë

Duhet të mbrohen

Kur vetërobrohen

 

Mu në zemrën e Dardanisë vunë brejtës

Hapsira u mbulue me gërçe

Nervoza kaploi gjeneratat

Varfërinë e morëm si normalitet

Pranuam fatalitetin

Nisi prap tkurrja e atdheut

Lart në shtyllat i varrur

Loton Flamuri i Skënderbeut

 

II

Zanat maje Sharrit e Korabit

Pyesin me lot´ në sy

Kur do të vie hareja në këtë Shqipëri

Kur do të ndalet ofshama e Gjergjit

Kur do të ndalet Loti i Ismail Qemalit

Kur do të qeshet varri i Presidentit

Kur do ta feston Adem Jashari

Ditëlindjen e Tij pa lot´

More në cilin mot´

 

Sot po loton edhe Flamuri im

Mërgimi zemrat po i lëndon

Kaherë e kuptova se qenka atdhetari

Të jetosh e të duash në mënyrën tënde

Qenka edhe dhunti

Edhe shumë njerzore

Sa shumë madhështore

Zemrën plot dashuri

Për Nënën Arbëri

Sëbashku me flamurin festojmë

Në vetmi

E me plot lotë në sy

Urime Festa Kosovë

Urime Festa Shqipëri

E dashura Arb?ri

 

Vuaj pë jetë e mot´

Kosova mos të ketë FUSNOTË

Dhe një ditë përsëri

Të valoj i lirë Flamuri kuq e zi

 

28.11.14

Düren